Marko 3:2 - Bhibhiliya Nya Guage

² Vatshavbo va di khusa maho va mu khedza, gasi gu mu wona mwendro a na mu hawulugisa khu litshigu nya Sabhadho, vafela gu mu rwega nandru.

Marko 3:2 Iomraidhean Croise

Dzindzimo 37:32

Muthu nya guvivbe a gu holelela muthu nya gululame a zama gu mu songa.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Dhaniyeli 6:4

Khu kotani nya kharato, vamwamangulu ni vathangeli, va di gu zama gu mana gihoso nya guvivbise khigyo Dhaniyeli thumoni gwaye nya mufumo, gambe va disi mani gihoso, kholu a di thuma khu gutumbega.

Matewu 12:10

umo a nga bani a romo muthu nya guhase libogo. Va di gira giwudziso gegi, gasi gu mana igyo nya gu mu ninge khigyo nandru, khavo: “Ina gu ngu dzumedziswa gu vbanyisa muthu khu litshigu nya Sabhadho, gani?”

Marko 3:3

Khavbo avbo, Jesu a di embela mwama nya gulimale libogo, khuye: “Delu u ta ema vbakari vbavba.”

Luka 14:1

Tshigu mwedo nya Sabhadho, na bede ndrangani ga moyo nya khongolo nya Vafarisi, gasi guya hodza. Vatshavbo va di khusa maho va mu khedza esi a girago.

Luka 20:20

Va di mu riya, va mu rumela vathu nya guya mu linga. Avo va di hongola kha nga vathu nya vadi, na va lindrela gukhavo a na hoheta likana, gasi gu mu ningela mandzani ga mufumo.

Luka 6:7

Vahevbudzi nya Nayo ni Vafarisi va di khusa maho va mu khedza, gasi gu mu wona mwendro a na mu hawulugisa khu Sabhadho, va fela gu mana igyo nya gu mu mole khigyo.

Johane 8:6

Va di ganela esi gasi gu mu riya, va fela gu mana gilo nya gu mu kone khigyo. Aholu Jesu a di noga, a gu lova vbavbatshi khu nyala.

Johane 9:16

Na va pwide esi, vambe Vafarisi, va di khavo: “Muthu yoyu khati khu ga Nungungulu, kholu kha vegedzi Sabhadho.” Gasi vambe va di khavo: “A ngu dzi kodza kharini muthu nya gighohi gu gira siliwugiso nya nga esi?” Gu di manega guhambana vbakari gwawe.