Marko 2:26 - Bhibhiliya Nya Guage

²⁶ Idzo a bedego khidzo Nyumbani ga Nungungulu gikhati gya Abhiyatari, khongolo nya vaphasi nya mhamba, aya hodza sibaba nya miphaso; a ninga navo ava a nga bani ari navo, sibaba si nga bani si gu lumba gu hodzwa basi khu vaphasi nya mhamba.”

Marko 2:26 Iomraidhean Croise

2 Samuweli 15:24

A dita nuye Abhiyatari ni Sadhoki, ni vatshavbo va na Levhi, na va rwade Ngasa nya Gidzumeledzwano gya Nungungulu; va di vega vbale Ngasa nya Gidzumeledzwano gya Nungungulu kala vathu vatshavbo va duga dhoropani.

2 Samuweli 15:29

Khu guralo, Sadhoki ni Abhiyatari, va di bwelela Jerusalema ni Ngasa nya Gidzumeledzwano ya Nungungulu, vaya khala iyoyo.

2 Samuweli 15:35

Vaphasi nya mhamba Sadhoki ni Abhiyatari, va na bani vari nago. Satshavbo iso u na gu si pwago na si gu dugelela nyumbani nya wufumu, u naya embeledzela Sadhoki ni Abhiyatari.

2 Samuweli 20:25

Sevha a diri mulovi; Sadhoki ni Abhiyatari, va diri vaphasi nya mhamba;

2 Samuweli 8:17

Sadhoki, mwamana wa Ayitubhi, ni Ayimeleki, mwamana wa Abhiyatari, va diri vaphasi nya mhamba; Seraya, a diri mulovi.

1 Dzipfhumu 1:7

A di pwanana ni Jowabhi mwamana wa Zeruwa, gumogo ni muphasi nya mhamba Abhiyatari, va nga bani vari va tsawa waye.

1 Dzipfhumu 2:22

Mufumeli Solomoni a di hakha mayi waye, khuye: “Khu ginani u lombago basi Abhisagi nya Musumani gu khala ngadza Adhoniya? Lomba gambe ni mufumo wu khale waye, kholu khuye koma wangu, lombela gambe ni muphasi nya mhamba Abhiyatari ni Jowabhi, mwamana wa Zeruya.”

1 Dzipfhumu 4:4

Bhenaya, mwamana wa Joyadha, muthangeli nya nyimbi; Sadhoki ni Abhiyatari, va diri vaphasi nya mhamba;

1 Dzikoronika 24:6

Mulovi Simaya, mwamana wa Nataniyeli, wa na Levhi, a di va lovela mbeli ga mufumeli, ga vathangeli, ga muphasi nya mhamba Sadhoki, ga Ayimeleki, mwamana wa Abhiyatari, ni ga vathangeli nya mapango ya vaphasi nya mhamba ni ga va na Levhi; nyumba ni nyumba yi di hathwa khu gu lodwa khu solo, mweyo yi khala ya Eliyazari, yimbe yi khala ya Itamari.

Matewu 12:4

Idzo a nga belago khidzo Nyumbani ga Nungungulu, aya hodza sibaba nya miphaso, si nga bani si si faneli gu hodzwa khuye, ni avo a nga bani ari navo, aholu si nga na si gu fanela gu hodzwa basi khu vaphasi nya mhamba, gani?

Marko 2:25

Jesu a di va hakha, khuye: “Mu si gu hevbuli esi a nga girago Dhavhidhe gikhati a nga dugago gumogo ni ava a nga bani ari navo avbo a nga pwago ndzala, gani?

1 Samuweli 21:1

Dhavhidhe a diya ganela ni muphasi nya mhamba Ayimeleki dhoropani ga Nobhi. Ayimeleki a di ndrendremela khu hwanga gikhati a mananidego naye, a mu wudzisa, khuye: “Khu ginani u tago wenga? Mwalo u ngatago naye, gani?”

1 Samuweli 23:6

Avbo Abhiyatari, mwamana wa Ayimeleki, a nga thavelago ga Dhavhidhe, tigoni ga Keyila, a di relela ni keka nya miphaso mandzani gwaye.

1 Samuweli 23:9

Avbo Dhavhidhe, a nga dzitigo gukhuye Sawule a ngu luga mano nya guvbwete gu mu dhumela, a di embela Abhiyatari, khuye: “Nyi resele keka nya miphaso.”