Marko 2:21 - Bhibhiliya Nya Guage

²¹ Mwalo a thelago giziva nya giphya vbamwendratunu wa gale, kholu giziva nya giphya gi na pferula mwendra wa gale, khu kharato mwendra wu na engedzelana gu pferuga.

Marko 2:21 Iomraidhean Croise

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Matewu 9:16

“Mwalo a thelago giziva nya giphya vbamwendratunu wa gale, kholu giziva gi na pferula mwendra wa gale. Khu kharato, mwendra wu na engedzelana gu pferuga.

Marko 2:20

Aholu, ma nguta matshigu va na gu wandredwago mudzegi. Gikhati gyogyo va na hala.

Marko 2:22

Kha nga gambe mwalo a thelago wadwa nya givhayi malowoni ya gale, kholu wadwa nya wuphya wu na pola malowo ya gale, gu luzega kharato wadwa ni malowo. Khu kharato; wadwa nya wuphya, malowoni nya maphya.”

Luka 5:36

A di va embela gambe gipimaniso gegi: “Mwalo a pferulago mwendra nya muphya gasi gu gira giziva vbamwendratunu wa gale. Wa gu gira kharato, u na luza mwendra nya muphya, gambe giziva gyakone kha gi na yelana ni mwendra wa gale.

1 Vakorinto 10:13

Sigaradzo mu si wonago khiso si pimedwego gu padwa khu muthu. Kholu Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.