Marko 2:20 - Bhibhiliya Nya Guage

²⁰ Aholu, ma nguta matshigu va na gu wandredwago mudzegi. Gikhati gyogyo va na hala.

Marko 2:20 Iomraidhean Croise

Dzindzimo 45:11

Khu wumburi wago, Mufumeli a vbede mapimo yaye yatshavbo; noga mbeli gwaye; kholu uye khuye mune wago.

Gizimba 3:11

Enu vanyamahegyane va Siyoni, dugani! Deluni mu ta wona mufumeli Solomoni! Uye ambade gihugu nya wufumu, gihugu nya wufumu a ambagisidwego khu mayi waye khu litshigu nya dzegano waye, litshigu monyo waye wu tsakidego ngudzu.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Isaya 62:5

Kholu, kha nga lidzaha li dzeganago ni mbiri, kharato nugo sanana sago si na dzegana nago; kha nga mwama nya khundzwa a tsakiswago khu mwangadzi waye nya khundzwa, kharato nugo Nungungulu wago a na nengela khu uwe.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Matewu 26:31

Khavbo avbo, Jesu a di va embela, khuye: “Wutshigu wa muhuno mwatshavbo, mu na phalalega mu nyi diga nyenga kholu gu lovidwe, pwani: ‘Nyi na bayisa muhavisi, nyi kodza gu phalalegisa dzinvuta.’

Matewu 9:15

Jesu a di va hakha, khuye: “Ina gu ngu kodzega gu dziphelegedzi dza mwane dzi swihala na dziri naye, gani? Ma nguta matshigu va na gu dzegedwago mwane. Gikhati gyogyo va na hala!”

Marko 2:19

Jesu a di va hakha, khuye: “Ina gu ngu kodzega sithiva gu hala si ngari ni mudzegi, gani? Na va ngari naye mudzegi, sithiva kha si dzi kodzi gu hala.

Marko 2:21

Mwalo a thelago giziva nya giphya vbamwendratunu wa gale, kholu giziva nya giphya gi na pferula mwendra wa gale, khu kharato mwendra wu na engedzelana gu pferuga.

Luka 17:22

Khavbo avbo, a di embela vapizane vaye, khuye: “Gi na vboha gikhati mu no vbwetago gu wona limwedo basi nya matshigu la Mwamana wa Muthu, gambe kha mu na li wona.

Luka 5:35

Ma nguta matshigu va na gu dzegedwago mwane. Gikhati gyogyo va na hala!”

Johane 12:8

Sisiwana mu na bani muri naso kala gupindruga; gasi eni kha nyi na khala nanu gikhati gyatshavbo.”

Johane 13:33

Vanavangu, nyi ngari nanu gikhatinyana gegi. Mu na nyi vbwetani; kha nga nyi nga ganelago ga Vajudha, nyi ngu mi embelani nenu, kheni: Iyo nyi hongolago, enu kha mu dzi kodzi guya.

Johane 16:28

Nyi dzude tigoni na nyi guta khu ga Babe; nyaluphye nyi ngu diga litigo nyi hongola ga Babe.”

Johane 16:7

Aholu, lisine kheli: I tshukwana nyi gu hongola, kholu, nyamba hongola, kha nata gwanu Muphasedzeli, gasi nya gu hongola, nyi naya mu rumela ate gwanu.

Johane 17:11

Nyi mwalo gambe tigoni, aholu avo vomo tigoni, gasi eni nyi nguta vbafuvbi gwago. Baba nya Guage, va vegedze linani gwago, lina u nyi ningidego, gasi va khale moyo, kha nga ethu.

Johane 17:13

Olu nyi nguta iyo gwago; aholu nyi ngu ganela esi na nyi nga romo mafuni, gasi avo va mane navo gutsaka nya guvbelele nyi gu nago.

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Mithumo 1:9

Na ganede esi, a di gwela Ndzadzini na va gu mu wona, lipfhi li dita va tshira mahoni gwawe.

Mithumo 14:23

Na va giride milombelo ni gu hala, va di hatha madhota khu libandla ni libandla va gu ma vega mandzani ga Pfhumu va khodwego gwaye.

Mithumo 3:21

Uye a fanelago gu hakhwa Ndzadzini kala gu vboha matshigu nya guwusedzwe silo satshavbo a nga tivisago Nungungulu gukhugela gale khu magana ya vaprofeti nya gukatege.

1 Vakorinto 7:5

Mwama ni ngadzi mu nga bombelani, vbavbandze nya gupwananeni gumba tshangana matshigu nya gukari, khu gufela gu dzi ningela milombeloni. Na ma vbede matshigu yoyo, tshanganani gambe, gasi mu si sengwi khu Sathane khu kotani nya gumba dzi phara gwanu.

2 Vakorinto 11:2

Gu khathala gu ngu nyi girisa wufu, linani ga Nungungulu. Kholu enu mu khade nga sagadzyana nya makendzi, nyi mi ningedego ga mwama moyo basi, a gu Kristo.

2 Vakorinto 11:27

Nyi diri ni thumo nya wungi, gu ganela, nyi di pila wutshigu nya wungi, nyamba lala, ni ndzala, ni lidora, matshigu nya mangi nyamba hodza, girame, wuhagadzo.

2 Vakorinto 6:5

gukwamudwa, gukhothedwa, pfilupfilu, gukoroka, gukhevisela ni ndzala.

Gutuledwa 19:7

Hongoleni hi tsake, hi nengela ni gu mu rungudza, kholu gi vbohide gikhati nya buzo wa Nvutana, mwangadzi waye gambe a dzi dongisede,

Gutuledwa 21:9

Khavbo avbo, nyi di wona ngilozi mweyo nya dzile nya livbandre na dzimbili dzingilozi dza Nungungulu dzi nga bani dzi pharide livbandre na sivili sikombe nya gutale khu livbandre na sivili sitsayiso, yi dita gwangu yita, khiyo: “Delu! Nyi na gu yeyedza Mwangadzi wa Nvutana.”