Marko 2:17 - Bhibhiliya Nya Guage

¹⁷ Jesu, na pwide satshavbo, a di va hakha, khuye: “Khandri vale va gu ni womi va vbwetago nyanga, aholu vadwali. Eni kha nya tela guta rana va nya gululama, aholu, sighohi.”

Marko 2:17 Iomraidhean Croise

Isaya 1:18

Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Matewu 18:10

Dzi woneleni, mu nga nyenyini sanana sesi, ne gimwegyo, kholu nyi ngu mi embelani, kheni: Dzingilozi dzawe khu Ndzadzini gikhati gyatshavbo dza gu wona khovbe ya Babe wangu a guromo Ndzadzini.

Luka 15:10

Nyi ngu mi embelani, kheni: Kharati nugo, gomo gunengela vbakari nya dzingilozi dza Nungungulu khu kotani nya gighohi gimwegyo basi gi vbindrugedzago mavbanyelo.”

Luka 15:29

A di embela babe waye, khuye: ‘Nyi na ni myaga nya gulaphe na nyi gu gu thumela nyamba hosisa ni nayo moyo wago; gima u si nyi ningi giphongwana, nyi hodza ni dzipari dzangu.

Luka 15:7

Nyi ngu mi embelani, kheni: Gu na manega gunengela nya gukhongolo Ndzadzini khu kotani nya gighohi gimwegyo basi, gi dzi layago guvbindra avo nya livbandre na mana magumi ni livbandre na vana vathu nya ndruda va si vbwetigo gu dzi laya.”

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Luka 19:10

Kholu Mwamana wa Muthu tede guta vbweta ni gu vbanyisa avo va nga bani va dzimede.”

Johane 9:34

Va di mu hakha, khavo: “Uwe muthu u velegidwe wurumba wago mu gighohoni. Olu wa guvbweta gu hi hevbudza?” Khavbo avbo, va di mu tutumisa.

Johane 9:40

Vambe Vafarisi, na va pwide magana yaya, va di khavo: “Wa guvbweta gukhuwe ethu nethu hi sikhumu, gani?”

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.