Marko 2:12 - Bhibhiliya Nya Guage

¹² Khavbo avbo, gilima gi di dzegela gu khuga gi ema gi dzega lithatho laye mahoni nya gidzemo gyatshavbo. Na va wonide esi, vatshavbo va di liwuga ngudzu, gumogo ni gu dhumisa Nungungulu, khavo: “Gima hi si gu woni nya nga esi.”

Marko 2:12 Iomraidhean Croise

Matewu 12:23

Gidzemo gyatshavbo gi di liwuga, khigyo: “Ina khandruye oyu Mwamana wa Dhavhidhe, gani?”

Matewu 15:31

Vathu vale va di liwuga khu gu wona sidudu na si gu ganela, silima na si gu gimbila gwadi na si lulamide, sikhurubwa na si gimbila, sikhumu na si gu wona. Va di dhumisa Nungungulu wa Israyeli.

Matewu 9:33

Me ni gu tutumiswa liphuvbo lile, gidudu gi di ganela. Gidzemo gi di tala khu guliwuga, khigyo: “Gima hi si gu woni nya nga esi tigoni momu ga Israyeli.”

Matewu 9:8

Gidzemo, na gi wonide esi, gi di tala khu githawo, gi dhumisa Nungungulu a nga ningago vathu tshivba nya nga yile.

Marko 1:27

Vatshavbo va di liwuga va gu wudzisana, khavo: “Nari ginani egi? Mu ngu wonani gihevbudzo giphya nya gutale khu tshivba! A dzi kodzago gu kawuka maphuvbo nya guvivbe ma gu mu yingisa.”

Marko 2:11

Khavbo avbo, a di embela gilima, khuye: “Khuga u eme, dzega lithatho lago u hongola gaya gwago.”

Luka 13:13

A di mu handzega mandza. Khavbo avbo, nyamayi a di dzegela gu ololoka, a phela gu rungudza Nungungulu.

Luka 17:15

Moyo wawe, na dzi wone na agisidwe, a di bwelela, na gu rungudza Nungungulu khu lito nya gupwadze.

Luka 5:26

Vatshavbo va di liwuga ngudzu ni gu tala khu githawo, gumogo ni gu dhumisa Nungungulu, khavo: “Muhuno hi wonide siliwugiso.”

Luka 7:16

Vatshavbo va di tala khu githawo, va gu dhumisa Nungungulu, khavo: “Tumbulugide vbakari gwathu muprofeti nya khongolo; Nungungulu endrede ngamo yaye.”

Johane 7:31

Vbakari nya gidzemo, nya vangi va di khodwa gwaye, va gu wudzisa, khavo: “Ina a guta Kristo a nata gira siwoniso nya sikhongolo nya guvbindre esi a giridego, gani?”

Johane 9:32

Gima ni gima gu si pwali gupwani womo a nga nga tula maho gikhumu nya mavelego.

Mithumo 4:21

Kha nga va nga hamugago nandru nya gu va tsayise khuwo, va di engedzela gu va thusedzela, va gu va tshula khu gu thava vathu, kholu vathu vatshavbo va di gu rungudza Nungungulu khu iso si nga giregago.