Marko 15:6 - Bhibhiliya Nya Guage

⁶ Khu gikhati nya buzo, Pilato a di gu olovela gu tshula gibotshwa gimwegyo, egi avo va gi lombago.

Marko 15:6 Iomraidhean Croise

Matewu 26:2

“Kha nga mu dzitigo, gu tshade matshigu mavili gasi gu hodzwa Phasika. Mwamana wa Muthu a na ningedwa gasi a khokhothedwa.”

Matewu 26:5

Aholu va di khavo: “Hi nga mu moli vbakari nya buzo nya Phasika, hi nga wusa ligwaha vbakari nya vathu.”

Marko 15:7

A diromo moyo nya gupwani khu Bharabhasi, a nga modwago gumogo ni vambe nya guwuse mayunga, va nga songago muthu vbalitungatunu.

Johane 18:16

a gu tshiya Pedro vbavbandze, vbamwanyatunu. Na dugide mupizane yoyu, a di lomba ga nyamayi a nga bani a gu ghadha vbamwanya gu bela ni Pedro.

Johane 19:16

Khu kharato, a di mu ningela gasi aya khokhothedwa. Khavbo avbo, va di dzega Jesu, va gu hongola naye.

Mithumo 24:27

Hwane nya myaga mivili, Felisi a di tshikedzwa khu Porisiyo Festo. Felisi, khu gu vbweta gu tsakisa Vajudha a di diga Pawulo pasoni.

Mithumo 25:9

Khavbo avbo, Festo khu gufela gu tsakisa Vajudha, a di wudzisa Pawulo, khuye: “U ngu dzina gu hongola Jerusalema uya lamuledwa iyo khu eni mahungu yaya, gani?”