Marko 14:41 - Bhibhiliya Nya Guage

⁴¹ Na wide nya wuraru, a dita, khuye: “Olu lalani mu hefemula. Gi vbohide gikhati, Mwamana wa Muthu a na ningedwa mandzani ga sighohi.

Marko 14:41 Iomraidhean Croise

1 Dzipfhumu 18:27

Avbo Eliya a nga wona khuye vbakari nya mihani, a di phela gu va tsorodzela, khuye: “Khusedzani ngudzu malito mu laledza! A gu dzina saye nungungulu yoyo a gu hungatwa khu libhulo! Mwendro a gu thuma gilo nya gukari, mwendro gu endra! Mwendro saye a gu lala! Gu vbwetega mu mu wusa!”

1 Dzipfhumu 22:15

Avbo uye a nga vbohago, mufumeli a di mu wudzisa, khuye: “Mikeya, ina hi ngu yela guya dwanisa lidhoropa la Ramoti-Gileyadhi, mwendro kha si kodzegi, gani?” Muprofeti a di mu embela, khuye: “Gwela, kholu Pfhumu Nungungulu a na li ningela mandzani ga mufumeli.”

2 Dzipfhumu 3:13

Aholu muprofeti Elizewu, a di embela mufumeli wa Israyeli, khuye: “Gasi mahungu muni nyi gu nawo nago uwe, na? Indra ga vaprofeti vababe wago ni ga vaprofeti vamayi wago.” Aholu mufumeli wa Israyeli a di mu hakha, khuye: Ahihi, kholu Pfhumu Nungungulu, khuye a residego vafumeli vava va vararu gasi guta va ningela mandzani gwa va na Mowabhi.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Ezekiyeli 20:39

Gasi khu enu va na Israyeli, Mune Pfhumu Nungungulu, a ngu ganela kharati, khuye: Moyo ni moyo nya enu, a na simame guya khozela sifananiso saye, kholu kha mu dzini gu nyi yingisa; aholu mu nga nyenyezisi lina langu nya guage khu miningelo ni sifananiso sanu.

Matewu 26:2

“Kha nga mu dzitigo, gu tshade matshigu mavili gasi gu hodzwa Phasika. Mwamana wa Muthu a na ningedwa gasi a khokhothedwa.”

Marko 14:10

Khavbo avbo, Judha Sikarioti, moyo nya vale nya likhumi na vavili, adiya ga vakhongolo nya vaphasi nya mhamba, ni vahevbudzi nya Nayo gasi guya ningela Jesu.

Marko 14:18

Na vari vbamezatunu, va hodza, Jesu a di khuye: “Khu lisine nyi ngu mi embelani, moyo nya enu nyi hodzago nanu, a na nyi ningela.”

Marko 14:35

Na thangide vbadugwana, a di khidzima a neredza khovbe vbavbatshi, a lomba ga Nungungulu khuye sa gu kodzega a vbuluga ga gikhati gile nya wuvi.

Marko 14:40

Na wide gambe, a dita va mana na va lade, kholu maho yawe ma di tade khu ligovbe. Negi nya gu mu hakhe va di si giti.

Marko 14:42

Khugani hi hongole, a ngu vboha oyu a vbwetago gu nyi ningela.”

Marko 7:9

A di engedza gambe, khuye: “Mu ngu kodza gwadi gu tshiphisa milayo ya Nungungulu, gasi mufela gu landrisa tumbunugo wanu.

Marko 9:31

kholu a di gu hevbudza vapizane vaye mahungu nya gukhuye: “Mwamana wa Muthu a na ningedwa mandzani ga vathu, va gu mu songa; aholu, hwane nya gubani na fude a na wuga khu litshigu nya wuraru.”

Johane 12:23

Uye a di va hakha, khuye: “Gi vbohide gikhati nya gudhumiswe Mwamana wa Muthu.

Johane 12:27

“Olu hefemulo wangu womo gutshanisekani. Nyi na kheni ginani? Baba, nyi vbulugise ga gikhati gegi nya sitshaniso? Olu a gu iso nyi nga si telago, ke!

Johane 17:1

Jesu, na ganede magana yaya, a di khusedza maho a khedza Ndzadzini, khuye: “Baba, khigyo egi gikhati, dhumisa Mwanago, gasi a nuye a gu dhumisa,

Johane 7:30

Khavbo avbo, va di vbweta gu mu mola, aholu mwalo a nga mu khuhago, kholu gikhati gyaye gi di si gu vbohi.

Johane 8:20

Jesu a di ganela magana yaya vbamezatunu nya miningelo, na gu hevbudza Nyumbani ya Nungungulu. Aholu, mwalo a nga mu molago, kholu gikhati gyaye gi di si gu vbohi.

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.

Valamuli 10:14

Lilani ga vanungungulu mu va hathidego; va na mi vbulugise ga litshigu nya sigaradzo sanu.”