Marko 13:8 - Bhibhiliya Nya Guage

⁸ Kholu litigo li na wugela limbe litigo, mufumo wu wugela wumbe mufumo; malanga nya mangi gu na manega sirevareva ni ndzala. Satshavbo soso a na bani ari guphela nya sisaniso.

Marko 13:8 Iomraidhean Croise

2 Dzikoronika 15:6

Kholu litigo li di wugela limbe litigo, lidhoropa li wugela limbe lidhoropa; kholu Nungungulu a di va khunguvanyisa khu dzitshanisa nya dzingi.

Dzindzimo 48:6

Avbovbo va di hungwa khu rerema nya yikhongolo, vapwa wuvi nya nga wa nyamayi a lumwago.

Isaya 19:2

Kholu Eni nyi na gira gu Vagipiti va dwana ni Vagipiti vakwawe; muthu ni muthu a na wugela ndriyaye, ni mumbe a na wugela muakelane waye, lidhoropa li na wugela limbe lidhoropa, mufumo wu wugela wumbe mufumo.

Isaya 29:6

Pfhumu Nungungulu nya Tshivba Yatshavbo, a nata gu tsayisa khu mabara, sirevareva, ni gudzuma nya guthise, ni singulu ni sipupwane ni malavbelavbe nya nilo nya gumbembise.

Isaya 37:3

Va ya mu embela, khavo: Ezekhiya a ngu ganela kharati, khuye: Litshigu la muhuno litshigu nya wuvi, nya tshanisa ni givalo; kholu ha gu fanana ni sanana si guromo vbafuvbi ni gu velegwa, aholu muvelegi wakone na vbede tshivba nya gu si velege.

Jeremiya 13:21

U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 22:23

Uwe u khalago Libhanoni, u vbahidego gihaga gyago matamoni nya sedhari, litshigu nya mhango u na wona tshanisa ngudzu, guvbisa gakone gu fanana ni ogu gwa nyamayi a lumwago!

Jeremiya 25:32

Pfhumu Nungungulu nya Tshivba Yatshavbo, a ngu ganela kharati, khuye: Wonani libango leli li na thaphela khu litigo ni litigo, khu mahegiso nya litigo, gu na duga gingulu nya guthise.

Jeremiya 4:31

Kholu nya gupwa lito nya miketo nya gufanane ni nyamayi a lumwago, miketo nya wuvi ya nyamayi nya tiwula. Lito la lidhoropa la Siyoni li lilago na li gu khusa mandza, khilo: Yowe! Nyi fude, hefemulo wangu wu vbede tshivba khu kotani nya vasaseli!

Jeremiya 49:24

Dhamasiko pilegide hwambo, a khuga a tutuma na gu ndrendremela, a di modwa khu hwanga ni guvbisega monyo kha nga nyamayi a lumwago.

Jeremiya 50:43

Avbo mufumeli wa Bhabhiloni, a nga pwago ndruma yawe, a di pilega hwambo a vbela tshivba, a tedwa khu rerema, a vbisega kha nga nyamayi a lumwago.

Jeremiya 6:24

Avbo hi nga pwa ndruma yawe, mawogo yathu ma di vbela tshivba hi gu saniseka khu wuvi wathu watshavbo, kha nga nyamayi a lumwago.

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Zakariya 14:13

Litshigu lolo, vbakari gwawe gu na manega pfilupfilu nya yikhongolo ngudzu nya gugirwe khu Pfhumu Nungungulu; muthu ni muthu a na mola libogo la mungana waye, va na wugelana khu gyawe.

Matewu 24:8

Aholu satshavbo sesi a na bani ari guphela nya sitshaniso.

Marko 13:7

Mwa gupwa huwa nya dzinyimbi ni guganedwa khu dzinyimbi ni ligwaha nya dzinyimbi mu nga thurugi; gu vbwetega si girega isoso, aholu khandri mahegiso.

Marko 13:9

“Dzi woneleni, kholu va na mi ningela ga valamuli, mu na ya kwamudwa Dzinyumbani nya nombelo, mu yiswa ga vamwamangulu ni vafumeli khu kotani yangu, gasi gu nyi fakazani mahoni gwawe.

Mithumo 11:28

Moyo wawe nya gupwani khu Agabo a di khuga a ema a tivisa khu Liphuvbo nya Guage khuye yi na manega ndzala nya yikhongolo tigoni gatshavbo; khiyo yi nga manega matshiguni ya Klawudiyo.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

Gutuledwa 6:4

Khavbo avbo, yi di duga yimbe kavalu, nya gufuvile, na yi khiledwe khu muthu a nga ningwago tshivba nya guvbedze gurula tigoni, gasi vathu va songane khu gyawe. A di ningwa gambe litshari nya likhongolo.