Marko 13:11 - Bhibhiliya Nya Guage

¹¹ Mwa gu yiswa ga vafumeli gasi guya lamudwa mu nga garadzegi khu egi mu na guya ganelago. Mu na ganela esi mu na gu embedwago khu gikhati gyogyo. Kholu, khandrenu mu na ganelago, aholu khu Liphuvbo nya Guage.

Marko 13:11 Iomraidhean Croise

2 Samuweli 23:2

Liphuvbo la Pfhumu Nungungulu li ganede khavbo gwangu, magana yaye momo lidimini gwangu.

Isaya 50:4

Mune, Pfhumu Nungungulu a nyi hevbudzide iso nyi yelago gu ganela, gasi nyi kodza gu ganela gwadi ni vale va garadego. Matshigu yatshavbo, dzimindrudzile, a ngu nyi wusa a nyi tula dzindzeve, gasi nyi yingisa kha nga vale va hevbulago.

Matewu 10:17

Gwadigwadi ni vathu! Va na mi yisani miphathani nya gulamudwe, va mi kwamula mudzinyumbani gwawe nya nombelo;

Marko 13:12

Muthu a na ningela ndriyaye a songwa, babe a ningela gyanana; sanana si na wugela vavelegi vawe, si va songisa.

Marko 13:9

“Dzi woneleni, kholu va na mi ningela ga valamuli, mu na ya kwamudwa Dzinyumbani nya nombelo, mu yiswa ga vamwamangulu ni vafumeli khu kotani yangu, gasi gu nyi fakazani mahoni gwawe.

Luka 21:12

“Aholu, guphela, si si gu wonegi satshavbo sesi, va na mi molani va mi sanisa, va mi yisa dzinyumbani nya nombelo ni gu mi khothelani mapasoni; mu na yiswa ga vafumeli khu kotani nya lina langu;

Johane 3:27

Johane a di phindrula, khuye: “Mwalo a dzi kodzago gu hakha gilo a gu bani a sa ningwa khu Ndzadzini.

Mithumo 2:4

Vatshavbo va di tala khu Liphuvbo nya Guage, va gu phela gu ganela mambe malimi, kha nga idzo Liphuvbo li nga bani li va ruma gu ganela khidzo.

Mithumo 3:13

Nungungulu wa Abrahama, wa Isaki ni wa Jakobe, Nungungulu wa vababe vathu, rungudzide githumi gyaye Jesu, mu nga Mu ningelani enu, ni gu mu dangani mbeli ga Pilato; narigu uye a di guvbweta gu mi tshula, enu mu bomba.

Mithumo 4:31

Na vari vbakari nya nombelo gu di manega girevareva vbale va nga bani va romo; vatshavbo va di tala khu Liphuvbo nya Guage, va gu ganela mahungu ya Nungungulu na va tiyide.

Mithumo 6:10

Aholu, va di si dugeleli khu kotani nya guti gwaye ni Liphuvbo nya Guage li nga mu ninga tshivba nya guganele.

Mithumo 6:15

Na va mu khedziside gwadi, vatshavbo va di wona khovbe yaye na yi gu ngangamela nga ngilozi ya Nungungulu.

Mithumo 7:55

Na tade khu Liphuvbo nya Guage, Sitefane a di khedzisa vbatshani a gu wona wudhumo wa Nungungulu, Jesu na emide nyamudye ga Nungungulu,

1 Vakorinto 2:13

Khayo mahungu yaya hi mi tivisago, nasiri khu magana nya guti nya muthu, aholu khu magana hi hevbudzwago khu Liphuvbo nya Guage, hi tshamusela kharato silo nya Liphuvbo, khu magana nya tshivba nya Liphuvbo.

Vaefeso 3:5

Ga mimelana yi vbindridego mwalo ni moyo a tuledwego guti sihalo yoyu, aholu, ga matshigu ya muhuno, Nungungulu, khu Liphuvbo laye nya Guage, a wu tiviside ga vapostoli vaye nya guage ni ga vaprofeti.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

1 Pedro 1:12

Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.