Marko 12:40 - Bhibhiliya Nya Guage

⁴⁰ Va gu phanga dzinoni mu dzindrangani dzawe, na va gu pfhadza khu gu gira milombelo nya gulaphe. Va na hakha tsayiso nya guvbindrise.”

Marko 12:40 Iomraidhean Croise

Ezekiyeli 22:25

Vbakari nya vathangeli vago yomo ghudzeghudze nga nghala yi ngurangurago ya gu bani yi vbadzulela pfimba waye; avo va gu vbedza vathu; va wandra dzithomba ni sombo nya lisima, vanyamayi nya vangi va khala dzinoni vbakari gwawe.

Mikeya 2:2

Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 23:14

Libango gwanu, enu vapfhadzi, vahevbudzi nya Nayo ni Vafarisi, mu phangago sifurugadzi mudzindrangani dzawe, na mu gu pfhadza gu gira milombelo nya gulaphe ngudzu. Khu kharato gulamudwa gwanu gu na bani guri gwa gulemela.

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Matewu 6:7

“Milombeloni yanu mu nga tadzi mahungu nya mangi, kha nga idzo ma girago mahedheni, na ma gu pimisa nya gukhayo kharati khavbo ma na pwidwago.

Marko 12:39

ni gu khala malangani nya guhegule dzinyumbani nya nombelo ni omu nya sipfhitsha.

Luka 20:47

Avo va gu phanga dzinyumbani nya dzinoni, na va pfhadza gu gira nombelo nya gulaphe. Va na hakha tsayiso nya guvbindrise.”

2 Vakorinto 11:20

Mu ngu hakha gwadi ava va mi girago dzikhumbi, va mi sololago, va mi nyenyago, va mi vetago.

2 Thimoti 3:6

Kholu vbakari gwawe khavo va belago khu nyumba ni nyumba va kanganyisela vanyamayi vale nyamba tiya, vale va landriselago silo nya gighoho, va ndrindrwa khu gudogolela gwatshavbo.