Marko 12:33 - Bhibhiliya Nya Guage

³³ ni gukhuwe gu vbwetega gu mu gola khu monyo watshavbo, khu mapimo yatshavbo, khu tshivba yatshavbo, ni gukhuwe gu gola muthu kwanu nga edzi u dzi golago khidzo uwe mune, gu ngu phasa guvbindra miningelo ni dzimhamba dzatshavbo.”

Marko 12:33 Iomraidhean Croise

Dzindzimo 50:23

Wule a nyi ningago phaso nya gubonge, uyoyo a ngu nyi rungudza; wule a dongiselago ndzila yaye, nyi na mu nonedza guvbanyisa ga Nungungulu.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Matewu 12:7

Aholu nari gupwani mu ngu wuti tshamuselo nya mahungu ma gukhayo: Eni nya gu hatha wuhindzi guvbindra mhamba, na mu si ningi nandru avo va gu mwalo nawo.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Dhewuteronome 6:5

U na haladza Pfhumu Nungungulu wago, khu monyo wago watshavbo, ni hefemulo wago watshavbo, ni tshivba yago yatshavbo.

Vahebheru 10:8

Guhegula a di ganela, khuye: “Uwe khu vbweti dzimhamba ni miningelo nya sirengo, khu nengeli khu dzimhamba nya sirengo nya guvbiswe vbagiluvelotunu, ambari miphaso nya guhandze sighoho.” Ganede kharati ambari ulo dzimhamba dzatshavbo dzi ningedwago khu gu landra guruma nya Nayo.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.