Marko 12:14 - Bhibhiliya Nya Guage

¹⁴ Na va vbohide, va di khavo: “Muhevbudzi, hi ngu dziti nya gukhethu u muthu nya lisine, khu thavi muthu kholu khu khedzi giemo nya muthu, aholu wa gu hevbudza ndzila ya Nungungulu, kha nga idzo li lombago khidzo lisine. Hi na ni fanelo nya gulivbe khupho ga Sezari mwendro hi mwalo? Hi livba, mwendro hi nga livbi?”

Marko 12:14 Iomraidhean Croise

2 Dzikoronika 18:13

Mikeya a di mu phindrula, khuye: “Nyi ngu sambanya khu Pfhumu Nungungulu a vbanyago kheni, iso Nungungulu wangu a na gu nyi embelago, khiso nyi na ganelago.”

2 Dzikoronika 19:7

Khu guralo, thavani Pfhumu Nungungulu, mu dzi wonela mithumoni gwanu gwatshavbo, kholu ga Pfhumu Nungungulu wathu, gumwalo gu kanganyisa khu gukhedza giemo nya muthu ambari gu rengeledwa.

Nehemiya 9:37

Mihandro nya litigo leli ya gu velegelana ngudzu, gasi yi hodzwa khu vafumeli va mambe mayigo, u va vegidego gu hi fumela khu kotani nya sighoho sathu; va gu khozisa sivili sathu khu gugola gwawe gumogo ni mitshambi yathu; khu guralo, hi womo gutshanisekani nya gukhongolo.

Dzindzimo 120:2

Pfhumu Nungungulu, nyi vbulugise ga vathu nya malipha ni wukanganyisi.

Dzindzimo 55:21

Likana laye la gu kwiriga guvbindra mafura, aholu monyo waye wa gu pimisa gu gira nyimbi; magana yaye ma gu tshamba guvbindra wulombe; aholu matshari ma lodzidwego.

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.

Matewu 22:17

Nga hi embela, na: Khu mawonelo yago, hi na ni fanelo mwendro hi mwalo nya gulivbe khupho ga Sezari?”

Marko 12:13

Va di mu rumela Vafarisi nya gukari ni va na Herodhi gasi guya mu riya khu magana nya gukari.

Marko 12:15

Aholu Jesu, na wutide wuhephi wawe, a di va hakha, khuye: “Mwa gu nyi lingela ginani? Nga nyi yeyedzani tsapawu yakone nyi yi wona.”

Marko 14:45

Na vbohide, a di hidzimela ga Jesu aya, khuye: “Rabi,” a mu bhejari.

Luka 20:22

Nga hi embela, na. Hi na ni fanelo mwendro hi mwalo nya gulivbe khupho ga Sezari, gani?”

Luka 23:2

Va di phela gu mu ketsari, khavo: “Hi mane oyu mwama na gu kutsedzela vathu gu wugela mufumo, khuye: Mu nga livbini khupho ga Sezari, ni gukhuye uye kamwe khuye mufumeli Kristo.”

Johane 7:18

Uye a dzi fakazelago abune a gu vbweta gidhumo gyaye, aholu oyu a vbwetago gu dhumisa uye a nga mu rumelago, muthu nya lisine, a gu mwalo malipha.

Varoma 13:6

Khigyo gambe givangelo gi mi girago mu livba mikhupo, kholu vathangeli va vegidwe kha nga sithumi sa Nungungulu gasi gu lulamisa thumo yoyo.

2 Vakorinto 2:17

Khu guralo ethu kha hi giri nga vambe va nya gutala va girago wugwewo khu mahungu ya Nungungulu. Aholu, nga sithumi sa Nungungulu, ha gu tshumayela khu Kristo, myonyo yathu na yi agide mahoni gwa Nungungulu.

2 Vakorinto 2:2

kholu nya gu mu thelani wusiwana khu mani oyu a na gu nyi tsakisago, olu a gu enu mu nyi tsakisago?

2 Vakorinto 4:1

Khu guralo, hi nga swihali thumoni momu hi nga ningwago khu wuhindzi wa Nungungulu.

2 Vakorinto 5:11

Olu hi gutigo gu thavisega ga Pfhumu, hi ngu dzi garadza khu gu embela lisine vathu. Nungungulu a ngu hiti gwadi, nyi ngu tumba nya gukheni enu nenu mu ngu hitini khu myonyoni gwanu.

2 Vakorinto 5:16

Ethu olu kha hi nga gu pimisa gambe muthu khu mawonelo nya wuthu wa mafuni. Ambari olu gale hi nga pimisa kharato khu Kristo, olu kha hi pimisi gambe kharato khu uye.

Vagalatiya 1:10

Ina nya gu gola ngudzu gu zundzwa khu vathu guvbindra gu zundzwa khu Nungungulu, gani? Mwa gu alakanya gukhenu nya gudwanela gu tsakisa vathu, gani? Nari gu khwatshi khiso nyi si dwanelago, na nyi siri githumi gya Kristo.

Vagalatiya 2:6

Gambe vale va tidwago gupwani khavo vathangeli vakone, gima kha va nyi engedzela simbe sileletelo. (Avo gani khavo vamani, kha nyi vbweti ni gu siti, kholu Nungungulu kha khedzi giemo nya muthu).

Dhewuteronome 16:19

U nga hambanisi wulamuli, u nga hatheli vathu, ambari gu rengeledwa; kholu wurengeleli wu ngu sega maho ya va nya guti, gambe wu ngu ndreyisa mahungu ya va nya gululama.

1 Vatesalonika 2:4

Aholu, ha gu ganela edzi Nungungulu a dzinago khidzo khu Mahungu nya Yadi, aya a nga hi dongisela. Kha hi gireli gu tsakisa vathu, aholu, gu tsakisa Nungungulu, atigo esi si guromo monyoni ga moyo ni moyo nya ethu.