Marko 10:5 - Bhibhiliya Nya Guage

⁵ Aholu Jesu a di va embela, khuye: “Mosi a mi dzumedziside khu kotani nya gulemele nya myonyo yanu;

Marko 10:5 Iomraidhean Croise

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Matewu 19:8

Jesu a di phindrula, khuye: “Mosi, a di mi dzumedzisani gu hula vagadzi vanu, khu kotani nya guvivbe nya myonyo yanu; aholu guhegulani khandri kharato.

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

Dhewuteronome 24:1

Mwama a gu dzega nyamayi a vbaha naye lipango, khu hwane nya matshigu, a gumba tsakiswa khu nyamayi wule, khu guya tugula gilo nya dzitshoni gwaye, a na mu lovela lidangalila nya musi nya hulano, a mu ninga mandzani gwaye, a mu tutumisa ndrangani gwaye;

Dhewuteronome 31:27

Kholu nyi ngu guti guyeyisa gwanu ni gu banga nya mihungo yanu; ambari nya gukhuwe nyi di bani nyi nga gu vbanya vbakari gwanu, enu mu kanyiside Pfhumu Nungungulu, ahati olu hwane nya gu bani nyi fude?

Dhewuteronome 9:6

Khu guralo, dziti nya gukhuwe khandri khu kotani nya gululame gwago, Pfhumu Nungungulu wago a gu ningago litigo leli nya ladi gasi gu u li fumela, kholu uwe u muthu nya gubange hungo.