Marko 10:24 - Bhibhiliya Nya Guage

²⁴ Vapizane va di liwuga khu magana yoyo. Aholu Jesu a di engedza gambe, khuye: “Vanavangu, gu ngu garadza ngudzu gubela Mufumoni wa Ndzadzini vale va tumbago dzithomba!

Marko 10:24 Iomraidhean Croise

Dzindzimo 17:14

Khu mandza yago, Pfhumu Nungungulu, nyi vbanyise vbakari nya vathu nya mafu, avo va hakhide tshatshazelo wawe va nga gu vbanya mafuni momu. Aholu, vale va gu tumbago va khurise khu thomba yago, thomba yi enelago gu khurisa sanana sawe yi bwelo khavbo yi tshalela situgulwana sawe.

Dzindzimo 52:7

“Wonani muthu a ngamba tumba Nungungulu kha nga muvhikeli waye; aholu a nga bani a tumba talo nya dzithomba dzaye, a dzi tiyisa khu wukanganyisi waye!”

Dzindzimo 62:10

Mu nga tumbini tshivba, mu nga dzi gugumugisi khu gu gira guvivba; mwa gu fuma dzithomba nya gutale, mu nga vegini avbo myonyo yanu.

Mavingu 11:28

Uye a tumbago thomba yaye a na theswa khiyo, aholu avo valulamidego va na nyuga kha nga simbo wu thelago nyenvu.

Mavingu 18:11

Lidhoropa nya likhokhola la muthu nya gufume khu thomba yaye, uye a gu alakanya khuye libhiyo li mu vhikelago.

Mavingu 23:5

U nga vegi maho yago ga thomba u si yeligo gu yi mana, kholu iyo yi na mana mambapi kha nga lighama, yi vbuvba yiya damboni.

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Habhakuka 2:9

Libango ga wule a wungedzelago nyumbani gwaye dzithomba nya gube, gasi gu vega gihaga gyaye vbatshani, gasi a kodza gu dzi vbanyisa ga gyandza nya guvivbe!

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Matewu 19:25

Na va pwide esi, vapizane va di liwuga, khavo: “Kharati, khu mani a na gu vbulugago?”

Marko 1:27

Vatshavbo va di liwuga va gu wudzisana, khavo: “Nari ginani egi? Mu ngu wonani gihevbudzo giphya nya gutale khu tshivba! A dzi kodzago gu kawuka maphuvbo nya guvivbe ma gu mu yingisa.”

Marko 10:23

Jesu, na va khedziside gwadi vatshavbo, a di embela vapizane vaye, khuye: “Gu ngu garadza ngudzu gubela Mufumoni wa Ndzadzini ava va gu ni dzithomba!”

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Johane 13:33

Vanavangu, nyi ngari nanu gikhatinyana gegi. Mu na nyi vbwetani; kha nga nyi nga ganelago ga Vajudha, nyi ngu mi embelani nenu, kheni: Iyo nyi hongolago, enu kha mu dzi kodzi guya.

Johane 21:5

Khavbo avbo, Jesu a di khuye: “Vanavangu, mu na ni ndzandzi nya guhodze, gani?” Va di mu hakha, khavo: “Ahihi.”

Johane 6:60

Vangi nya vapizane vaye, na va pwide, va di khavo: “Ma ngu lemela magana yaya! Khu mani a na gu ma yingisago?”

Vagalatiya 4:19

Vanavangu, nyi ngu simama gupwa wuvi kha nga nyamayi a lumwago khu enu, kala litshigu Kristo a na gu vbelelago guwumbwa myonyoni gwanu;

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

1 Johane 2:1

Vanavangu, nya gu mi lovelani esi, gasi mu si giri gighoho. Aholu muthu a gu ghoha, hi na ni muemeli mbeli ga Babe: Khu Jesu Kristo, a gu mwalo gihoso.

1 Johane 4:4

Vanavangu, enu mwa gu lumba Nungungulu. Mu va pade vaprofeti nya malipha. Kholu, Liphuvbo mu gu nalo enu, li na ni tshivba guvbindra liphuvbo la vale va lumbago litigo leli.

1 Johane 5:21

Vanavangu, dzi woneleni ga vanungungulu nya malipha.

Gutuledwa 3:17

Kha nga u ganelago, khuwe: ‘Nyi gikhudhudhu, nyi fumide, gi mwalo nyi gi hamugago.’ Aholu khu dziti nya gukhuwe u mutshaniseki, u gisiwana, u gikhumu, u wumbwiri.