Marko 10:21 - Bhibhiliya Nya Guage

²¹ Jesu, na mu khedzide, a di tsakiswa khuye a gu mu embela, khuye: “U nga gu keneledwa khu gimwegyo basi. Indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya iso delu uta nyi landrela.”

Marko 10:21 Iomraidhean Croise

Genesi 34:19

Lidzaha kha la na kanakana gu gira esi va nga lombago, kholu monyo waye wu di gu gola ngudzu nyamahegyane wa Jakobe; gu diga nya isoso, Sikemi a di gu ningwa ngudzu githawo vbakari nya gilongo gyatshavbo gya nyumbani ga babe waye.

Mavingu 23:23

Renga lisine, u nga li rengisi; renga guti, sihevbulo ni mapimo.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Matewu 19:21

Jesu a di mu embela, khuye: “Wa guvbweta gu khala muthu a vbeledego, indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya isoso, delu uta nyi landrela.”

Marko 10:22

Aholu, mwama, na pwide magana yaya a di garadzega a gu hongola na swihade kholu a diri ni dzithomba nya dzingi.

Marko 8:34

Na ranide gidzemo gumogo ni vapizane vaye, a di va embela, khuye: “Oyu a vbwetago gu nyi landrela a na dzi dige wurumba waye, a gu rwala gihambano gyaye a nyi landre.

Luka 10:42

narigu gimwegyo basi gi vbwetegago. Mariya hathide gipandre nya gyadi, igyo nya gu gima kha na dzegedwa khu muthu.”

Luka 12:33

Rengisani dzithomba dzanu, mu kabanisela sisiwana. Sonani sikhwama nyamba hagala, mu wungedzela Ndzadzini thomba nyamba vbela, iyo yi si dzi kodzigo gu phangwa khu dzimbafa ni gu hodzwa khu muhwa,

Luka 16:9

Eni neni nyi ngu mi embelani, kheni: Thangani wupari khu dzithomba dza tigoni momu, gasi na dzi vbede, mu ya hakhwe khu dzipari dzodzo Ndzadzini.

Luka 18:22

Na pwide esi, Jesu a di mu embela, khuye: “Gimwegyo basi gi nga tshadego. Rengisa satshavbo u gu naso, u kabanisela dzitsapawu dzakone sisiwana, gasi u mane thomba ya Ndzadzini. Nu giride isoso, delu uta nyi landrela.”

Luka 19:41

Gikhati a nga vbohago dhoropani ga Jerusalema, a li khedza gwadi, a di lila, khuye:

Luka 9:23

Khavbo avbo, a di embela vatshavbo, khuye: “Uye a vbwetago gu nyi landrela, a na dzi nyenye uye wurumba waye, a vbagara gihambano gyaye a nyi landre.

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Johane 16:33

Nya gu mi embelani esi, gasi mu tshale ni gurula gwangu; mu na mana sigaradzo tigoni, aholu nyi tumbeni, kholu eni nyi pade litigo.”

Mithumo 2:45

va di rengisa sipeto ni dzithomba dzawe va gu kabanisela tengo wakone gu khedza khu sigaradzo nya muthu ni muthu.

2 Vakorinto 12:15

Eni nyi ngu dzumela gu ningela satshavbo nyi gu naso, ambari wurumba wangu khu kota nya enu. Nya gu mi yeyedzani lihaladzo nya lingi, khavbo mu na gu nyi golago vbadugwana?

2 Thimoti 3:12

Vatshavbo vale va vbwetago gu vbanya khu gukhodwa ga Kristo Jesu va na saniswa.

Vahebheru 10:34

Enu mu hengede gusanisekani ga vale va nga girwa sibotshwa. Na mu phangidwe silo sanu satshavbo, mu di timisela khu gutsaka, kholu, mu di gu dziti gukhenu mu na ni silo nya sadi ngudzu nya gupindruge.

Jakobe 2:10

Khu guralo, oyu a landrisago milayo yatshavbo, a gu ghoha nayo moyo, ghohide yatshavbo.

Gutuledwa 2:14

Aholu, u na ni nandru; kholu u navo vbakari gwago valandreli nya nayo wa Bhalahama wu nga hevbudzwago khu Bhalahaki, gasi gu tshunganedzisa sanana sa Israyeli, si hodza nyama nya sirengo nya guphasedwe sithombe nya vanungungulu nya malipha, ni gu gira wuphuphulu.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.

Gutuledwa 2:4

Aholu, nyi ngu gu sola kholu u digide lihaladzo lago nya guhegule.