Marko 10:2 - Bhibhiliya Nya Guage

² Vafarisi nya gukari va di hidzimela va mu wudzisa gasi gu mu linga, khavo: “Ina gu ngu kodzega mwama gu hula mwangadzi waye, gani?”

Marko 10:2 Iomraidhean Croise

Malakiya 2:16

Kholu Pfhumu Nungungulu wa Israyeli, a ngu ganela khuye a ngu venga hulano, ni wule a sihago manyala khu dzingandzu dzaye, a ngu ganela Pfhumu Nungungulu nya Tshivba Yatshavbo. Khu guralo, dzi woneleni guvbanyani gwanu, gasi mu si huli vagadzi vanu.

Matewu 15:12

Vapizane vaye va di mu yela vaya mu embela, khavo: “Ina u ngu dziti nya gukhuwe Vafarisi va gorogide khu maganelelo yale u nga ganelago khayo, gani?”

Matewu 16:1

Khavbo avbo, Vafarisi ni Vasadhusi va di mu yela, gasi gu mu linga, va di mu lomba gu a va girele giwoniso gya Ndzadzini.

Matewu 19:3

Va dita avbo gwaye Vafarisi va ngata mu wudzisa, gasi gu mu linga, khavo: “Ina gu ngu kodzega gu mwama a hula mwangadzi waye khu gigaradzo nya gukari, gani?”

Matewu 22:35

avbovbo a di duga moyo wawe a nga bani ari muhevbudzi nya Nayo, aya mu wudzisa, gasi gu mu tshunganisa, khuye:

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 9:34

Aholu, vafarisi va di khavo: “Uye a gu tutumisa maphuvbo nya guvivbe khu tshivba ya khongolo nya maphuvbo nya guvivbe.”

Marko 10:1

Jesu na khugide khu vbale, a diya tigoni ga Judheya, tshatugo nya tsongo wa Joridhani. Na randredwe nyaluphye khu vathu, a di va hevbudza kha nga giolovedzo gyaye.

Marko 10:3

Uye a di va hakha, khuye: “Gasi umo nya Milowo, Mosi a di mi laya kharini?”

Marko 8:11

Khavbo avbo, va di vboha Vafarisi va ta ganedzisana naye, na va gu vbweta gu mu linga. Va mu lomba gukhavo a gire giliwugiso nya gukari gya Ndzadzini.

Marko 8:15

Khavbo avbo, Jesu a di va embela, khuye: “Gwadigwadi ni mela nya Vafarisi, nuwo wa Herodhi!”

Luka 11:39

Pfhumu a di mu embela, khuye: “Enu Vafarisi mwa gu handza mbiya ni khokho khu vbavbandze basi, gasi khu ndrani gwanu mu tade khu wuvafa ni ndrwadza.

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Luka 5:30

Vafarisi ni vahevbudzi nya Nayo va di ngurangura, va gu wudzisa vapizane va Jesu, khavo: “Khu ginani mu hodzago ni gu sela gumogo ni vakhuphisi ni sighohi?”

Luka 6:7

Vahevbudzi nya Nayo ni Vafarisi va di khusa maho va mu khedza, gasi gu mu wona mwendro a na mu hawulugisa khu Sabhadho, va fela gu mana igyo nya gu mu mole khigyo.

Luka 7:30

Aholu, vafarisi ni vahevbudzi nya Nayo va nga bombago gubhapatisa ga Johane va bombide khu kharato makategwa va nga bani va dongisedwe khu Nungungulu.

Johane 11:47

Vakhongolo nya Vaphasi nya mhamba ni Vafarisi va di tshangana va gu hunga gikungo, khavo: “Hi na gira ginani? Muthu yoyu a ngu gira siliwugiso nya singi.

Johane 11:57

Vakhongolo nya vaphasi nya mhamba ni Vafarisi va di vegide nayo nya gukhavo uye a gutigo avbo a guromo a na tivise, gasi aya modwa.

Johane 7:32

Vafarisi va dipwa gu ganedzisana nya gidzemo khu kotani ya Jesu; vakhongolo nya vaphasi nya mhamba ni Vafarisi va di rumela dzindruna gasi guya mu mola.

Johane 7:48

Ina, mu di nga wona moyo nya madhota mwendro Vafarisi va khodwa gwaye, gani?

Johane 8:6

Va di ganela esi gasi gu mu riya, va fela gu mana gilo nya gu mu kone khigyo. Aholu Jesu a di noga, a gu lova vbavbatshi khu nyala.

1 Vakorinto 10:9

Hi nga lingi Pfhumu kha nga edzi va nga girago vambe, va ngafa khu guhodzwa khu dzinyoga.