Marko 1:8 - Bhibhiliya Nya Guage

⁸ Eni nya gu mi bhapatisani khu mati, gasi uye a nata mi bhapatisa khu Liphuvbo nya Guage.”

Marko 1:8 Iomraidhean Croise

Mavingu 1:23

Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Isaya 32:15

kala li gu tshiga avbo gwathu Liphuvbo la gupindruga; khavbo avbo, giwula gi na vbindrugedza gi khala lithembwe nya gunone, ni lithembwe nya gunone li na khala likhabi.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Marko 1:7

A di gu huwelela, khuye: “Khu hwane gwangu, a nguta uye a gu ni tshivba gu nyi vbindra, eni nyi gu mwalo fanelo nya gunoge nyi tshula dzingodzi nya silato saye.

Marko 1:9

Khu matshigu yale, Jesu a di khuga Nazareta ga Galileya a gu hongola tsongoni wa Joridhani aya bhapatiswa khu Johane.

Luka 3:16

Johane a di va embela vatshavbo, khuye: “Khu lisine, eni nya gu mi bhapatisani khu mati, aholu a nguta uye a gu ni tshivba gu nyi vbindra, oyu eni nyi gu mwalo fanelo nya gunoge nyi mu tshula dzingodzi nya silato saye; uye a nata mi bhapatisani khu Liphuvbo nya Guage ni nilo.

Johane 1:26

Johane a di hakha, khuye: “Eni nya gu bhapatisa khu mati, gasi vbakari gwanu womo oyu mu si mutigo,

Johane 1:33

Nyi di si muti, aholu, uye a nga nyi ruma gu bhapatisa khu mati khuye a nga nyi embela, khuye: ‘Uye uno mu wonago na gu tshigedwa khu Liphuvbo, lita khala gwaye, khuye a bhapatisago khu Liphuvbo nya Guage.’

Mithumo 1:5

Kholu, Johane bhapatiside khu mati, aholu enu, ndrani nya matshigu madugwana, mu na bhapatiswa khu Liphuvbo nya Guage.”

Mithumo 10:45

Khavbo avbo, vakhodwa vatshavbo nya Vajudha va nga bani va dzude ni Pedro va di liwuga ngudzu khu gu wona nya gukhavo Liphuvbo nya Guage li tshigede navo va nya mayigo.

Mithumo 2:17

‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

Mithumo 2:4

Vatshavbo va di tala khu Liphuvbo nya Guage, va gu phela gu ganela mambe malimi, kha nga idzo Liphuvbo li nga bani li va ruma gu ganela khidzo.

1 Vakorinto 12:13

Ethu hatshavbo: Vajudha ni ava va si gu Vajudha, dzikhumbi ni va nya gutshulega, hi bhapatisidwe khu Liphuvbo la limwedo, gasi hi khala givili gimwegyo basi. Ethu hatshavbo hi hakhide Liphuvbo la limwedo.