Marko 1:6 - Bhibhiliya Nya Guage

⁶ Johane a di gu ambala dzingandzu nya mawoya nya dzingameriya, giwununi gwaye a di hunga libhandri nya lidowo; guhodza gwaye a diri dzimbera ni wulombe nya likhabi.

Marko 1:6 Iomraidhean Croise

2 Dzipfhumu 1:8

Avo va di mu hakha, khavo: “A diri mwama moyo nya gu ambale malowo, na hungide libhandri nya lidowo giwununi.” Mufumeli a di va embela, khuye: “Khu Eliya, Mutesibhi.”

Levhi 11:22

Khu magirelo yoyo, mu ngu dzi kodza gu hodza esi: Mafumbu yatshavbo nya mbera, ni humbi, ni dzinyendze khu mafumbu nya guhambanelane.

Zakariya 13:4

Khu litshigu lolo, vaprofeti va na thedwa dzitshoni, moyo ni moyo nya avo khu giwoniso nya wuprofeti waye. Avo gima kha va na dzi kapega gambe khu gifenengelo nya mawoya, va fela gu pfhadza vathu.

Matewu 3:4

Guambala gwa Johane gu diri gwa mawoya nya ngameriya; libhandri a nga bani a gu hunga mugiwununi gwaye a diri lidowo; guhodza gwaye a diri dzimbera ni wulombe nya likhabi.

Marko 1:5

Va di mu yela vatshavbo va nga bani va gu vbanya tigoni ga Judheya ni dhoropani ga Jerusalema, gasi guya bhapatiswa khuye tsongoni ga Joridhani; na va gu dawulela sighoho sawe.

Marko 1:7

A di gu huwelela, khuye: “Khu hwane gwangu, a nguta uye a gu ni tshivba gu nyi vbindra, eni nyi gu mwalo fanelo nya gunoge nyi tshula dzingodzi nya silato saye.