Marko 1:34 - Bhibhiliya Nya Guage

³⁴ A di hawulugisa vathu nya vangi madwali yawe nya guhambanehambane, a gu tutumisa maphuvbo nya mangi nya guvivbe, a si ma dzumedzisi gu ganela, kholu ayo ma di gu muti khayo khuye mani.

Marko 1:34 Iomraidhean Croise

Matewu 4:23

Jesu a di gimbila tigoni gwatshavbo ga Galileya, na gu hevbudza mudzinyumbani nya nombelo, gumogo ni gu tivisa Mahungu nya Yadi nya mufumo, na gu hawulugisa vathu dzingumbe dzawe dzatshavbo, ni madwali.

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Marko 1:25

Aholu Jesu a di li kawuka, khuye: “Degula, duga ga muthu yoyo.”

Marko 3:12

Aholu, uye a di ma degudza a gu ma laya ma si embeli muthu.

Luka 4:41

Ga vangi vakone ma di duga maphuvbo nya guvivbe, na ma gulumela, khayo: “Uwe u Mwamana wa Nungungulu!” Aholu uye a di ma kawuka ni gu ma degudza, kholu ma di gu muti nya gukhayo khuye Kristo.