Luka 9:7 - Bhibhiliya Nya Guage

⁷ Mufumeli Herodhi, na pwide satshavbo si nga bani si dugelela, a di hamuga ni gilo nya gugire, kholu vambe va di gukhavo: Khu Johane Mubhapatisi a nga wugago khu ga vafudego!

Luka 9:7 Iomraidhean Croise

Dzindzimo 73:19

Va na thedwa hwanga va mbembiswa khu githugedza, va vbiyedwa va fuviswa.

Isaya 22:5

Kholu Pfhumu, Pfhumu Nungungulu nya Tshivba Yatshavbo, a hi resede litshigu nya ghudzeghudze, tshanisa ni sigaradzo kovani nya Giwoniso; mabhiyo nya lidhoropa ma pfhungumudwe, dzihuwa dza vavbanyi vaye dza gupwala kala sigomoni.

Mikeya 7:4

Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Matewu 11:2

Johane, khu pasoni, a dipwa ndruma nya sigiro sa Kristo. A di rumela vapizane vaye, gasi guya mu wudzisa, khavo:

Marko 8:28

Va di mu hakha, khavo: “Vomo va gukhavo khuwe Johane Mubhapatisi; vambe vari khavo khuwe Eliya; gasi vambe vari khavo u moyo nya vaprofeti.”

Luka 13:31

Gikhati gyogyo, va di vboha Vafarisi va ngata mu embela, khavo: “Khuga avba, kholu Herodhi a gu vbweta gu gu songa.”

Luka 21:25

“Gi na manega giwonegiso damboni, ngimani numo nya dzinyeledzi; mafuni gu na manega tshanisa vbakari nya mayigo, ma na thedwago rerema khu gudzuma nya mavimbi ya linene,

Luka 23:7

Na dzitide nya gukhuye a gu dugela tigoni ga Herodhi, a di mu rumela ga Herodhi, a nga bani a romo nuye Jerusalema matshigu yale.

Luka 3:1

Khu mwaga nya likhumi na livbandre nya gufume ga mufumeli nya khongolo wa Roma, Tibheriyu Sezari; Pilato nari mwamangulu wa Judheya, Herodhi na gu fumela Galileya, ndriyaye Filipi na gu fumela Itureya ni Trakonite, Lizaniya na gu fumela Abhileni,

Luka 9:19

Va di mu hakha, khavo: “Vomo va gukhavo khuwe Johane Mubhapatisi, vambe vari khavo khuwe Eliya, gasi vambe vari khavo u moyo nya vaprofeti va gale a nga wugago.”