Luka 9:44 - Bhibhiliya Nya Guage

⁴⁴ “Yingisani gwadi iso nyi vbwetago gu mi embela: Mwamana wa Muthu a ngu vbweta gu ningedwa ga va nya mayigo.”

Luka 9:44 Iomraidhean Croise

2 Samuweli 24:14

Khavbo avbo, Dhavhidhe a di embela Gadhi, khuye: “Nyi womo vbakari nya wuvi nya wukhongolo, hi na thegeleni mandzani ga Pfhumu Nungungulu, kholu wuhindzi waye wungi ngudzu, gasi nyi si thegeli mandzani ga vathu.”

Matewu 16:21

Gukhugela litshigu lile, Jesu a di phela gu yeyedza vapizane vaye khuye na ni fanelo nya guhongole Jerusalema aya saniswa ngudzu khu madhota, ni vakhongolo nya vaphasi ni vahevbudzi nya Nayo, a songwa; aholu a na wuga khu litshigu nya wuraru!

Matewu 26:2

“Kha nga mu dzitigo, gu tshade matshigu mavili gasi gu hodzwa Phasika. Mwamana wa Muthu a na ningedwa gasi a khokhothedwa.”

Marko 8:31

Khavbo avbo, a di phela gu va hevbudza, khuye: “Mwamana wa Muthu a na ni fanelo nya gusaniseke ngudzu, a gu nyenywa khu madhota, ni vakhongolo nya vaphasi nya mhamba, ni vahevbudzi nya Nayo, a songwa. Aholu, khu litshigu nya wuraru a na wuga.”

Marko 9:31

kholu a di gu hevbudza vapizane vaye mahungu nya gukhuye: “Mwamana wa Muthu a na ningedwa mandzani ga vathu, va gu mu songa; aholu, hwane nya gubani na fude a na wuga khu litshigu nya wuraru.”

Luka 1:66

Vatshavbo va nga pwago silo sesi, va di si vegedza myonyoni gwawe, khavo: “Gu na bani ari muthu muni gyanana gegi?” Ni tshivba ya Pfhumu yi diri ni uye.

Luka 18:31

Na dzegide vale nya likhumi na vavili, a di va embela, khuye: “Mu ngu, wonani, olu ha gu gwela Jerusalema, iyo si naya tadzisegago satshavbo sile si nga lowago khu vaprofeti na si gu lumba Mwamana wa Muthu.

Luka 2:19

Gasi Mariya, a di vegedza satshavbo sile khanani gwaye na gu zama guti tshamuselo wakone.

Luka 2:51

Khavbo avbo, a di relela navo a hongola Nazareta; a di gu va yingela. Mayi waye a di vegedza satshavbo sesi monyoni gwaye.

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Luka 9:22

A di engedza gambe, khuye: “Mwamana wa Muthu a na ni fanelo nya gusaniseke ngudzu ni gu nyenywa khu madhota, ni vakhongolo nya vaphasi ni vahevbudzi nya Nayo. A na songwa, aholu khu litshigu nya wuraru a na wuga.”

Johane 16:31

Jesu a di va hakha, khuye: “Olu mu ngu khodwa gwangu, gani?

Johane 16:4

Gasi olu nya gu mi embela esi, gufela gu gya gu vboha gikhati gyakone, mu dundruge gukhenu, nyi di mi embede; kha nya mi embelani gukhugela guhegulani, kholu nyi diri nanu.

Johane 19:11

Jesu a di khuye: “U diri mwalo tshivba yoyo nari pwani khwa ningwa khu Babe wangu. Khu kharato, uye a nga nyi ningela mandzani gwago khuye a gu ni nandru nya wukhongolo.”

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Vahebheru 2:1

Khu kharato, hi na thele kota ngudzu khu lisine hi li pwidego, gasi hi si ndreyi ga ilo.