Luka 8:13 - Bhibhiliya Nya Guage

¹³ Mbewu yi nga thegela siwindrini, khu vale nya gu, na va pwide Mahungu ya Nungungulu va gu ma hakha khu gunengela. Kha nga ulo va gu mwalo mikhamba, va gu khodwa gikhati gidugwana; aholu sa gu vboha silingo, va gu ma diga.

Luka 8:13 Iomraidhean Croise

Joba 19:28

Mwa gukhenu: Hi simama gu mu tshanisa, gani? Ni guvbweta guti hungo nya nandru waye.

Mavingu 12:12

Muthu nya guvivbedwe khu monyo, a gu dogorela phango wa va nya guvivbedwa khu monyo, aholu mikhamba ya valulamidego ya gu velega mihandro.

Mavingu 12:3

Muthu nya guvivbedwe khu monyo, kha hweli gu thega, aholu uye a lulamidego kha khuyugi, kholu a na ni mikhamba yi tiyidego.

Isaya 58:2

Ambari khu guralo, khu litshigu ni litshigu li gyago, va gu nyi vbweta, gambe va gu yeyedza gugola guti dzindzila dzangu; kha nga vathu va girago gululama, va ngamba diga nayo wa Nungungulu wawe, va nyi lomba gu va yeyedza ndzila nya gululame, gambe va na ni ligolo ni Nungungulu.

Ezekiyeli 33:32

Wona gukhuwe u womo gwawe kha nga uye a embelelago dzindzimo nya lihaladzo, khu lito nya gumbure li pwalago gwadi; kholu va gupwa magana yago aholu kha va ma landrisi.

Hoseya 6:4

Ginani nyi yelago gu gira khu uwe Efrayimi? Ginani nyi yelago gu gira khu uwe Judha? Kholu lihaladzo lanu la gu fanana ni mapfhi nya Wuronga, ni thondrwane nya dzimindru si vbiredzago gu mwalalega.

Marko 6:20

Kholu Herodhi a diri ni githawo ga Johane khu gu muti khuye muthu nya ndruda a agidego, a di mu vhikela. Uye, khu gu mupwa basi na gu ganela a di hambanega mapimo, aholu, a di mu yingisa khu gunengela.

Luka 8:12

Mbewu yi nga thegela bambe nya ndzila khu vale va nga pwago Mahungu ya Nungungulu, aholu Sathane ata ma wandra myonyoni gwawe, gasi va si khodwi, va si mani guvbanyiswa.

Luka 8:14

Mbewu yi nga thegela mibani khu vale nya gu, na va pwide mahungu ya Nungungulu va hegisa khu gu ma diga va padwa khu sigaradzo nya guvbanye, khu dzithomba ni sihungato nya mafu, iso si girago gu va si theli mihandro.

Johane 15:2

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Johane 15:6

Uye a si khaligo neni, a na vegwa phuvbo, a banga kha nga litamo; matamo nya nga ayoyo ma gu wungedzedwa ma gu vbiswa.

Johane 5:35

Johane a diri mwenge wu nga bani wu gu khondra wu wenengedza vbakari gwanu; enu khu matshigwana madugwana, mu di tsakiswa khu mwenge waye.

1 Vakorinto 13:2

Ambari nyiri ni giningwa nya gutshumayele mahungu ya Nungungulu, ni guti satshavbo, ni gupima misihalo yatshavbo, ni gukhodwa gwatshavbo nya gu dzi kodze gu sigula sigomo, nyambana lihaladzo, kha nyiri wa gilo.

1 Vakorinto 15:2

Khayo aya mahungu ma na mi vbanyisago mwa gu ma sayisa gwadi nga edzi nyi mi tivisidego khidzo; mwa gu bani mwa sa khodwa mahala.

Vagalatiya 3:1

Ama enu Vagalatiya, sipumbunu! Khu mani a mi sengidego? Eni nyi mi yeyedzide gwadi Jesu Kristo a khokhothedwego vbagihambanotunu.

Vagalatiya 3:4

Ina kha si mi phasi gilo sisaniso satshavbo mu si manago, gani? Eni nyi ngu tumba gukheni mu manide giphaso.

Vaefeso 3:17

Nyi ngu lomba gambe ga Nungungulu gukheni Kristo a na vbanye myonyoni gwanu khu gukhodwa, mu tiya gwadi, mu tsitsa mikhamba nya gutiye lihaladzoni.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

Vakolosi 2:7

mu tsitsa gwadi mikhamba, mu tiyiswa gukhodwani, kha nga edzi mu hevbudzidwego khidzo, mu gu bonga Nungungulu gikhati gyatshavbo.

1 Vatesalonika 3:5

Khidzo kharato, gu kala nyi ruma Thimoti khu guvbiredza, guta wona gukhodwa gwanu gwa gu gimbila kharini, mwendro saye mukanganyisi a mi lingideni, a ghohetela mihandro nya thumo wathu.

1 Thimoti 1:19

Vegisa gukhodwa ni mapimo nya lisine. Vambe va digide gukhodwa nya gwadi, va dzimeledwa khugo.

Vahebheru 10:39

Khu guralo, ethu kha hiri vathu nya gubwelele hwane hi ya gumbembani. Aholu, hi vale va khodwago gasi gu vbanyisa mihefemulo yawe.

Jakobe 2:26

Nga olu, givili gya gumbana hefemulo gi fago, kharato nugo gukhodwa, nyambana mithumo, gu fude.

2 Pedro 2:20

Khu guralo, vale va nga muti Pfhumu ni Muvbanyisi wathu Jesu Kristo, va gu vbuluga ga sihena nya guvivbe nya litigo, khu hwane va gu wuya va modwa gambe khu silo sesi, va guta nyenyeza ngudzu guvbindra guhegulani.

2 Pedro 2:22

Iso si giregidego ga vathu vava gu yeyedza lisine nya esi si ganedwago nya gupwani: “Yimbwa ya gu bwelelela vbamagosetunu gwaye; khumba yi handzidwego ya gu bwelela yi ya puluwundra gambe maragani.”

1 Johane 2:19

Khu lisine, avo va dugide gwathu; kholu khandri va tsawa wathu. Nari pwani va diri va tsawa wathu, na va khade ni ethu. Aholu, avo va dugide, va gu yeyedza kharato lisine nya gupwani kha va lumbi tsawa wathu.

Judha 1:12

Vathu vava, khavo va gu gikhuvekiso mitshanganoni gwanu nya wundruye, va gu hodza ni gu leva malevelo nya dzitshoni, nya gukhunguvanyise. Avo va gu dzi havisa vabune wurumba wawe. Va gu khala nga mapfhi nyambana ndzadzi ma pengiswago khu phuvbo; va gu khala nga misimbo yile nya gu, ambari vbamatshigatunu yi si velegigo mihandro; va khade nga misimbo yi sigudwago ni mikhamba yaye, yifa yi banga;