Luka 8:12 - Bhibhiliya Nya Guage

¹² Mbewu yi nga thegela bambe nya ndzila khu vale va nga pwago Mahungu ya Nungungulu, aholu Sathane ata ma wandra myonyoni gwawe, gasi va si khodwi, va si mani guvbanyiswa.

Luka 8:12 Iomraidhean Croise

Mavingu 1:29

Kholu mu di bomba guti, mu si dzumeli guthava Pfhumu Nungungulu;

Mavingu 4:5

Dzi vbwetele guti, u dzi vbwetela mapimo, u nga divali ambari guhambana ni magana yangu.

Isaya 65:11

Aholu enu mu si khathaligo khu Pfhumu Nungungulu, mu divala gigomo gyangu nya guage, enu mu dongiselago meza vanungungulu nya malipha va ranwago pwani Gadhi ni Meni,

Matewu 13:19

Muthu a gupwa mahungu nya Mufumo a si ma pimi ma gu thula ginani, a nata Sathane ata fugula iso si nga bani na si yadwe monyoni gwaye. Egi khu gipimaniso nya mbewu nya guthegele bambe nya ndzila.

Matewu 13:4

Na gu swaya, yimbe mbewu, yi di thegela bambe nya ndzila; si dita sinyoni sita yi rothela.

Marko 4:15

Dzimbewu dzi nga thegelago bambe nya ndzila, khu vale va nga hevbudzwa mahungu. Aholu, na va ma pwide, khu gu vbiredza a di vboha Sathane a ta dusa mahungu ma nga yadwago myonyoni gwawe.

Luka 8:11

“Tshamuselo nya gipimaniso khowu: Mbewu khu magana ya Nungungulu.

Luka 8:13

Mbewu yi nga thegela siwindrini, khu vale nya gu, na va pwide Mahungu ya Nungungulu va gu ma hakha khu gunengela. Kha nga ulo va gu mwalo mikhamba, va gu khodwa gikhati gidugwana; aholu sa gu vboha silingo, va gu ma diga.

Luka 8:5

“Nga wonani. A di khuga muthu nya gukari gasi guya yala mbewu yaye. Gikhati a nga yi swaya, yimbe yi di thegela bambe nya ndzila; yi gandredzedwa, gumogo ni gu rothedwa khu sinyoni sa damboni.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.