Luka 5:22 - Bhibhiliya Nya Guage

²² Aholu Jesu, na tugude maalakanyo yawe, a di khusedza lito a gu va wudzisa, khuye: “Mahingigedzo muni mu gu nawo myonyoni gwanu?

Luka 5:22 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 139:2

U ngu nyi pima gukhuga ni guema, khu hwindzo u ngu yiti mipimiso yangu.

Mavingu 15:26

Makungo ya vathu nya guvivbedwe khu myonyo, ma nyenyezide mbeli ga Pfhumu Nungungulu, aholu Uye a gu tsakiswa khu magana nya vathu va agidego.

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Ezekiyeli 38:10

Mune Pfhumu Nungungulu, a ngu ganela kharati, khuye: Ga litshigu lolo, u na pimisa silo nya gutale monyoni gwago, bwelo khavbo u luga makungo nya guvivbe.

Matewu 12:15

Jesu, na dzitide, a di khuga khu vbale. Vathu nya vangi va di mu landra. Uye a di vbanyisa vatshavbo,

Matewu 12:25

Na wonide mapimo yawe, Jesu a di va hakha, khuye: “Mufumo watshavbo wu dzi kabanisago khu mitsawa yi wugelana khu gyawe, mufumo wowo kha wu yi danga; lidhoropa latshavbo, mwendro ndranga yi dzi kabanisago khu mitsawa yi wugelana khu gyawe, kha yi dzi kodzi gupindruga.

Matewu 9:4

Aholu Jesu, na wonide maalakanyo yawe, a di va wudzisa, khuye: “Khu ginani mu khalago ni maalakanyo nya guvivbe kharato?

Marko 8:17

Aholu, Jesu na tugude mapimo yawe, a di khuye: “Khu ginani mu gukhenu mu mwalo sibaba. Mu si gu si pimi iso nyi si thulago? Mapimo yanu ma nga lemede kharati?

Luka 24:38

Aholu a di va embela, khuye: “Mwa gu thavela ginani? Khu ginani mu gu ni gukanakana gogo myonyoni gwanu?

Luka 5:21

Vahevbudzi nya Nayo ni vaphasi nya mhamba va di phela gu ngurangura, khavo: “Khu mani oyu a hembululago Nungungulu? Khu mani a dzi kodzago gu tsetselela sighoho vbavbandze ga Nungungulu basi?”

Luka 5:23

Khu gevbini gi vbevbugidego gu ganela: Gukheni sighoho sago si tsetseledwe, ni gukheni khuga u gimbila?

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

Vahebheru 4:12

Mahungu ya Nungungulu khya guvbanya, ma na ni tshivba, ma ngu vbira guvbindra litshari nya gulodzwe eno ni eno. Ma gu paya, ma bela kala matshanganoni nya womi nya muthu. Ma ngu hambanisa gutshangana nya mongo ni marambo; ma ngu tugula mahingigedzo ni mapimo ma sihadego monyoni nya muthu.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.