Luka 23:16 - Bhibhiliya Nya Guage

¹⁶ Khu kharato, nyi na mu tsayisa, nyi mu diga a hongola.”

Luka 23:16 Iomraidhean Croise

Isaya 53:5

Aholu, uye payidwe khu kotani nya sighoho sathu, a pfareledwa khu kotani nya guvivbe gwathu; tsayiso wu nga hi resela gurula, wu thegede vbatshani gwaye, khu kotani nya dzimbanga dzaye, hi manide guvbanyiswa.

Matewu 27:26

Khavbo avbo, a di va tshulela Bharabhasi; gasi Jesu, a di ruma gu mu kwamula a mu ningela va mu khokhothela.

Marko 15:15

Khu guralo, Pilato khu gu vbweta gu tsakisa gidzemo, a di va tshulela Bharabhasi, na rumide gu kwamula Jesu, a di va ninga gasi vaya mu khokhothela vbagihambanotunu.

Luka 23:17

[Myaga yatshavbo khu gikhati nya Phasika, Pilato a diri ni giolovedzo nya gu va tshulele gibotshwa gimwegyo.]

Luka 23:22

Pilato a di va wudzisa nya wuraru, khuye: “Gighoho muni a gu nagyo? Gi mwalo nyi gi manidego gwaye gi lombago gu a songwe. Khu kharato, nyi na mu tsayisa, nyi mu diga a hongola.”

Luka 6:37

“Mu nga lamuli, gasi mu si lamudwi nenu. Mu nga ningi nandru muthu, gasi mu si ningwi nenu. Tsetselelani, mu na tsetseledwa nenu.

Mithumo 16:37

Pawulo a di embela dzindruna, khuye: “Va hi kwamude vbakari nya vathu, nyamba hi lamula, va hi thela pasoni, ethu hi gu sivelegwa sa Varoma. Olu va guvbweta gu hi dusa khu gisihaledza! Ahihi! Kha si giregi isoso, va nate avo wurumba wawe va ta hi tshula.”