Luka 20:16 - Bhibhiliya Nya Guage

¹⁶ A nata va songa vatshavbo, a gu dzega lithembwe a tshiyedza vambe valimi.” Na va pwide esi, va di khavo: “Si nga tshuki si girega nya nga isoso!”

Luka 20:16 Iomraidhean Croise

Matewu 21:34

Na yi vbohide nango, a di rumela sithumi saye ga valimi vale, gasi guya hakha mihandro yi mu lumbago.

Matewu 21:41

Va di hakha, khavo: “A nata va songa vatshavbo, nyamba kanakana, a dzega lithembwe a tshiyedza vambe valimi avo va na mu ningago mihandro khu gikhati gi vbwetegago.”

Matewu 22:7

Mufumeli wule a di garadzega ngudzu, a gu rumela masotshwa maya songa sighevenga sile, gumogo ni gu si vbisela lidhoropa lawe.

Marko 12:9

Ginani a na girago mune lithembwe? Khu lisine, a na wuya a ta mbembisa valimi vale a dzega lithembwe a tshiyedza vambe valimi.

Luka 19:27

Gasi khu kotani ya valala vava vangu, va ngamba dzina gu fumedwa kheni, va reseni avba muta va pila migolo na nyi gu va wona.’ ”

Luka 20:15

Va di mu dusa vbavbandze nya lithembwe, vaya mu songa. Nga nyi embelani, a nata va rini mune lithembwe?

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Varoma 11:1

Eni nyi na engedza gambe gu wudzisa, kheni: Ina Nungungulu a di tsukula vathu vaye, gani? Ahihi. Eni nyi ganelago, nyi wa na Israyeli, nyi gitugulwana gya Abrahama, gya nyumbani ga Bhejami.

Varoma 11:11

Nyi na wudzisa gambe, kheni: Ina gikhati va nga tshunganelago va di thegela muphelo, gani? Khandridzo. Khu guthega gwawe va manide guvbanyiswa va nya mayigo, gasi va na Israyeli va khale wufu.

Varoma 3:31

Khavbo avbo, ina sa gu wonega gupwani hi ngu tshipisa Nayo khu gukhodwa, gani? Ahihi. Aholu ha gu tiyisa Nayo.

Varoma 3:4

Khandridzo. Kholu Nungungulu tumbegide gikhati gyatshavbo ambari ulo vathu va si tumbegigo. Kha nga yi ganelago Milowo, khiyo: “Gasi u manwa nu lulamide muguregerani gwago, ufela gu dugelela litshigu nya gulamudwe gwago.”

Varoma 3:6

Khandridzo. Kholu nari gupwani Nungungulu kha lulama, a di hadza gu dzi kodza kharini gu lamula litigo?

Varoma 6:15

Hi na khethu ginani olu? Hi na dzi ningedzela gighohoni khu gukhethu kha hi ngu gu rumwa gambe khu Nayo, ha gu rumwa khu wuhigo wa Nungungulu, gani? Khandridzo, gima kha hi na gira kharato.

Varoma 6:2

Khandridzo, gima kha hi na gira kharato! Ethu hi fudego khu kota nya gighoho, hi na dzi kodza gambe kharini gu simama hi vbanyela mugighohoni?

Varoma 7:13

Guyeyedza gupwani esi si gu sadi si vbindrugedzide si nyi vangela gufa, gani? Ahihi, khandridzo. Aholu gighoho, gasi gu dzi yeyedza gukhigyo gighoho kamwe, gi di ambala esi nya sadi gi nyi resela gufa. Khu magirelo yoyo, khu kota nya Nayo gu wonegisidwe gwadi guthisa nya guvivbe gwatshavbo nya gighoho.

Varoma 7:7

Aholu hi na khethu ginani gambe? Ina Nayo gighoho, gani? Khandridzo. Aholu, khu lisine, nari gupwani khandri kota nya Nayo, gima nya sa giti gighoho. Nya sa guti gudogolela savane nari gupwani Nayo kha wa nga ganela, gukhuwo: “U nga dogoleli savane.”

Varoma 9:14

Hi na khethu ginani olu? Hi na khethu Nungungulu kha gira gwadi? Ahihi, kha hi dzi kodzi gu ganela kharato.

1 Vakorinto 6:15

Ina kha mu dzitini nya gukhenu givili gyanu givbango gya Kristo, gani? Nyi na dzega sivbango sa Kristo nyi si gira sivbango nya gibhayi, gani? Kha si kodzegi ni vbadugwana!

Vagalatiya 2:17

Olu ethu hi zamago gu khala vathu nya gululame khu gutshangana gwathu ni Kristo, hi ngarigu sighohi, gu yeyedza gupwani Uye Kristo khuye a hi girago sighohi, gani? Khandridzo, ni vbadugwana.

Vagalatiya 3:21

Ina gu yeyedza gupwani Nayo wa gu dwana ni situmbiso, gani? Khandridzo ni vbadugwana! Nari gukhwatshi wu vegidwe Nayo wu dzi kodzago guvbanyisa vathu, vathu va di hadza gu sayedwa gululama khu kota nya Nayo.

Vagalatiya 6:14

Gasi eni, kha nyi vbweti gu dzi zundza khu gimbe gilo; wangu wuzundzo nya gu wu mana basi vbagihambanotunu gya Pfhumu yathu Jesu Kristo. Khu kotani nya gihambano, litigo li fude ga eni, kha nga aneni nyi fudego ga litigo.