Luka 20:10 - Bhibhiliya Nya Guage

¹⁰ Vbanangotunu, a di rumela githumi gyaye ga valimi vale, gasi guya hengisa wadwa wu nga bani wu mu lumba. Aholu valimi va diya gi veta va wuya va gi tutumisa nyamba gi ninga gilo.

Luka 20:10 Iomraidhean Croise

1 Dzipfhumu 22:24

Khavbo avbo, Zedhekiya, mwamana wa Kanahana, a di vboha vbafuvbi ga Mikeya, a mu veta pama khovbeni, a mu wudzisa, khuye: “Li dugide khu hayi avbo gwangu liphuvbo la Pfhumu Nungungulu wangu, li ta ganela nago?”

2 Dzipfhumu 17:13

Pfhumu Nungungulu a di embede va na Israyeli ni va na Judha, khu vaprofeti vaye vatshavbo ni vatuguli nya misihalo vaye vatshavbo, khuye: “Vbindrugedzani dzindzilani gwanu nya guvivbe, mu landrisa sileletelo sangu ni milayo yangu, kha nga idzo wu rumago khidzo Nayo nyi ningidego vababe vanu, owu nyi mu rumedego khu ga sithumi sangu, a gu vaprofeti.”

1 Dzikoronika 19:4

Khavbo avbo, Hanuni, a di mola sithumi sa Dhavhidhe, a si vbalula ndzudzu, a si pferulela guambala khu vbakari ni vbakari kala vbamaragotunu a va bweledza nyamba ambala gilo.

2 Dzikoronika 16:10

Khavbo avbo, Asa a di tala khu likhulo a wugela muwoni nya siwoniso, a mu dzega a mu tela pasoni; kholu uye a di goroswa ngudzu khuye; khu gikhati gyogyo gya gimwegyo, Asa a di tshanisa gambe ni vambe vathu.”

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 20:2

Pasuri a di bayisa muprofeti Jeremiya, ni gu mu hunga khu makhetshe a mu khothela wulangani wu guromo vbafuvbi ni nyangwa nya yikhongolo ya Bhejami, yi guromo Nyumbani ga Pfhumu Nungungulu.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 5:24

Kha va alakanya khu myonyoni gwawe, khavo: Hongoleni hi ninga githawo Pfhumu Nungungulu wathu, Uye gikhati nya guenele a hi wiselago ndzadzi nya nango nya gu yale ni gu vidzwa dzimbewu, a vegidego dzisemana nya guvbwere dzi gumba vbindra.

Luka 13:34

“Jerusalema, Jerusalema, u songago vaprofeti ni gu pfara khu siwindri vale u rumedwago khu Nungungulu! Dzinyondro dzingani eni nyi dogoredego gu tshanganisa sanana sago, kha nga khugu yi fundramelago sitshondryana saye, uwe u bomba!”

Luka 20:11

A di va rumela gimbe githumi, aholu va diya gi veta nigyo, va gi tutumisa, va gi yuyutela nyamba gi ninga gilo.

Luka 20:9

Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo.

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Varoma 7:4

Khidzo nugo kharato, gwanu, vandruye. Khu gufa ga Kristo enu nenu mu fude ga nayo, kha mu dzi kodzi gu lumba mumbe. Mwa gu lumba basi wule a tshatugidego gufa a bela guvbanyani, mufela gu thuma mithumo yi nengedzisago Nungungulu.