Luka 15:4 - Bhibhiliya Nya Guage

⁴ “Khu wevbi, vbakari gwanu uye nya gu nari ni lizana (100) dzinvuta, a gu dzimeledwa khu mweyo, a si digigo idzo nya livbandre na mana magumi ni livbandre na dzina (99) panini, a gu hongola a gimbila a vbweta iyo yi nga dzimela, kala a yi mana?

Luka 15:4 Iomraidhean Croise

Dzindzimo 119:176

Nyi ngu legalega kha nga nvuta yi pengago; vbweta githumi gyago, kholu kha nyi divali sirumo sago.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Jeremiya 33:13

Madhoropani ya sigomoni ni ya mapanini, madhoropani ya Marandzi, ni ya tigoni ga Bhejami, ni wubambe nya lidhoropa la Jerusalema, ni madhoropani ya Judha, yi nga na gu simama gu vbindra gambe mitshambi khu mandzani ga vahavisi, a ngu ganela Pfhumu Nungungulu.”

Jeremiya 50:6

Vathu vangu va gu fanana ni dzinvuta dzi dzimedego; va ndreyisidwe khu vahavisi vawe, va dzimedzidwe sigomoni ni sigomwanani, va gu legalega basi, kha va nga gu guti ni phandroni gwawe.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Ezekiyeli 34:31

Khu guralo, enu dzinvuta dzangu, dzinvuta nya wuhaviselo wangu; enu mu vathu, aholu eni kheni Nungungulu wanu,” a ngu ganela Mune Pfhumu Nungungulu.

Ezekiyeli 34:4

Iyo nya gumbana tshivba kha wa yi tiyisa, iyo yi dwalago, khwa yi hawulugisa, ni gu hungelela silondra iyo yi nga bayiswago. Idzo dzi nga pambugago, kha mwa dzi wuyisa, ambari idzo dzi dzimedego kha mwa dzi landra. Aholu mwa gu dzi fumela khu tshivba ni dzihanyi.

Ezekiyeli 34:8

“Nyi ngu sambanya khu guvbanya gwangu kheni, a ngu ganela Mune Pfhumu Nungungulu: Olu tshambi wangu wu gu mwalo muhavisi, wu phangidwego wu khala guhodza nya sirengo sa khabini, ni olu vahavisi vangu va ngamba khathala khu tshambi wangu, va dzi havisa avo vabune va si havisi tshambi wangu,

Matewu 12:11

Aholu uye a di va wudzisa, khuye: “Khu mani, vbakari gwanu, a wonago nvuta yaye na yi thegede namboni khu Sabhadho, a si yigo aya yi nula?

Luka 13:15

Pfhumu a di mu hakha, khuye: “Vanyamaliphanu! Ina kha mu ngu tula liphandro mu dusa dzimombe mwendro dziburu dzanu gasi guya dzi sedza mati khu litshigu nya Sabhadho, gani?

Luka 15:3

Khavbo avbo, Jesu a di va ninga gipimaniso gegi, khuye:

Luka 19:10

Kholu Mwamana wa Muthu tede guta vbweta ni gu vbanyisa avo va nga bani va dzimede.”

Varoma 2:1

Khu kharato, uwe muthuwe u dzi girago mulamuli, gani u givbango muni, khu na nga ditshedzwa. Gikhati u lamulago vakwanu, wa gu dzi rwega nandru wabune, kholu iso u va lamulago khiso, u ngu si gira nuwe.

1 Pedro 2:25

Kholu enu, gale mu di gu khala nga dzinvuta nya gudzimele, olu mu wuyisidwe ndzilani, gasi muta landra Muhavisi ni Musayisi nya mihefemulo yanu.