Luka 10:42 - Bhibhiliya Nya Guage

⁴² narigu gimwegyo basi gi vbwetegago. Mariya hathide gipandre nya gyadi, igyo nya gu gima kha na dzegedwa khu muthu.”

Luka 10:42 Iomraidhean Croise

Dzindzimo 119:111

Milayo yago yi khade thomba yangu kala gupindruga, kholu yi ngu tsakisa monyo wangu.

Dzindzimo 119:173

Delu khu guvbiredza u ta nyi phasa, kholu eni nyi hathide gu landrisa sileletelo sago.

Dzindzimo 119:30

Nyi hathide gu tiyisela ndzilani nya lisine, nyi sambanyide gu landrisa sileletelo sago.

Dzindzimo 142:5

Nyi di rana uwe Pfhumu Nungungulu, kheni: “Uwe khuwe wuthavelo wangu; khuwe thomba yangu tigoni nya vathu va vbanyago.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 73:25

Khu mani mumbe nyi gu naye eni ndzadzini, vbavbandze gwago? Mafuni momu, nya gu gola gu khala nago basi.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Marko 8:36

Giphaso muni a na gi manago wule a fumelago litigo rumba a gu hegisa khu gu dzimeledwa khu hefemulo waye?

Luka 10:39

Uye a diri ni ndriyaye nya gupwani khu Mariya, uye a ngata khalago vbafuvbi ga Pfhumu, gasi gupwa magana yaye.

Luka 11:1

Tshigu mwedo, Jesu a di romo wulanga nya gukari a lombelela. Na vbedzide, moyo nya vapizane vaye a di mu lomba, khuye: “Pfhumu, hi hevbudze gu lomba, kha nga Johane a nga hevbudzago vapizane vaye.”

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’

Luka 12:33

Rengisani dzithomba dzanu, mu kabanisela sisiwana. Sonani sikhwama nyamba hagala, mu wungedzela Ndzadzini thomba nyamba vbela, iyo yi si dzi kodzigo gu phangwa khu dzimbafa ni gu hodzwa khu muhwa,

Luka 16:2

Mune ndranga a di rana muthangeli a mu wudzisa, khuye: ‘Nyi ngupwa vathu nya vangi na va gu regera khuwe. Gasi mahungu muni? Nyi yeyedze mithumo u giridego, kholu nya guvbweta gu gu dusa thumoni.’

Luka 16:25

Abrahama a di hakha, khuye: Mwanangu, dundruga nya gukhuwe u hakhide thomba yago u nga gu vbanya, gasi Lazaro a di mana basi sisaniseko. Olu uye a ngu tangadziswa, gasi uwe u ngu saniseka.

Luka 18:22

Na pwide esi, Jesu a di mu embela, khuye: “Gimwegyo basi gi nga tshadego. Rengisa satshavbo u gu naso, u kabanisela dzitsapawu dzakone sisiwana, gasi u mane thomba ya Ndzadzini. Nu giride isoso, delu uta nyi landrela.”

Luka 8:18

Yingisani gwadi iso nyi mi embelago: Uye a gu naso a na engedzedwa; gasi uye a gu mwalo gilo, ni esi nya sidugwana a gu naso, a na dzegedwa.”

Johane 11:1

A di gu dwala mwama moyo nya gupwani khu Lazaro, givelegwa gya Bhetaniya, litigo la Mariya ni ndriyaye Marta.

Johane 11:19

Vajudha nya vangi va di hongode ga Marta ni Mariya, gasi guya va bangaladza khu gufa ga ndriyawe.

Johane 12:3

Khavbo avbo, Mariya, a di dzega gigasi nya mafura nya gunungele ngudzu, ayo ma nga bani ma gu rengwa khu dzitsapawu nya dzingi, a todza migondro ya Jesu, bwelo khavbo a yi bavbulela khu ndzudzu waye; nyumbani gwatshavbo gu di nungela mafura yale.

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 5:24

“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.

Johane 6:27

Mu nga thumelini guhodza, gule gu dzi kodzago guvbela, aholu thumelani gule gu ningago guvbanya nya gupindruge, ugo mu na ningwago khu Mwamana wa Muthu; kholu khuye oyu a nga ningwago gifungo khuye mune Babe Nungungulu.”

1 Vakorinto 13:3

Ambari nya gu ninga sisiwana silo sangu satshavbo, nyi wuya nyi ningela ni givili gyangu gi vbiswa, aholu na nyiri mwalo lihaladzo, kha nyi phasi gilo.

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Dhewuteronome 30:19

Ndzadzi ni mafu somo muhuno kha nga dzifakazi dzangu, gukheni nyi vegide mbeli gwago guvbanya ni gufa, makategwa ni libango. Hatha guvbanya gasi u kodza gu mana guvbanya, uwe gumogo ni livelego lago.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

Josuwa 24:22

Josuwa a di embela vathu khuye: “Enu mwabune mu dzifakazi nya gukhenu mu hathide Pfhumu Nungungulu gu mu khozelani.” Va di ganela, khavo: “Ethu hi dzifakazi.”