Luka 10:27 - Bhibhiliya Nya Guage

²⁷ Muhevbudzi nya Nayo a di khuye: “U na haladza Pfhumu Nungungulu wago, khu monyo wago watshavbo, khu hefemulo wago watshavbo, khu tshivba yago yatshavbo ni mapimo yago yatshavbo; u gola gambe muthu kwanu kha nga idzo u dzi haladzago khidzo uwe mune.”

Luka 10:27 Iomraidhean Croise

Levhi 19:18

U nga dzi phodzeli mwendro gu girela likhulo wa na gyanu, aholu u na haladza muthu kwanu kha nga idzo u dzi golago khidzo uwe mune. Eni kheni Pfhumu Nungungulu.

Matewu 19:19

rungudza babe ni mayi; gola muthu kwanu kha nga idzo u dzi golago khidzo.”

Luka 10:26

Jesu a di mu hakha, khuye: “Gasi ginani gi lovidwego omu nya Nayo? Ahati uwe, wa gu hevbula kharini?”

Varoma 13:9

Sileletelo nya nayo sari khiso: “U nga bhayi, u nga songi, u ngabi, u nga singedzi, u nga dogoleli savane.” Satshavbo sesi ni simbe gambe sa gu patwa sa gu khala nayo moyo basi wu gu khuwo: “Haladza muthu kwanu kha nga uwe mune.”

Vagalatiya 5:13

Gasi enu vandruye, mu ranedwe guvbanya na mu tshulegide. Aholu mu nga dzegi gutshulega gwanu mu gu gira ndzila nya gutsakise gunavela nya tumbunugo nya wuthu; thumelanani khu lihaladzo.

Dhewuteronome 10:12

Olu uwe Israyeli, gasi ginani Pfhumu Nungungulu a gi vbwetago avbo gwago? Khandri a gu vbweta basi gukhuye u ninga githawo Pfhumu Nungungulu wago, u landrisa dzindzila dzaye dzatshavbo, u mu gola ni gu thumela Pfhumu Nungungulu wago, khu monyo wago watshavbo, ni hefemulo wago watshavbo,

Dhewuteronome 30:6

Pfhumu Nungungulu wago, a na vbindrugedza monyo wago ni monyo wa livelego lago, gasi u gole Pfhumu Nungungulu wago, khu monyo wago watshavbo ni hefemulo wago watshavbo, u kodze gu vbanya.

Dhewuteronome 6:4

Upwa, Israyeli! Pfhumu Nungungulu wathu, khuye basi a gu Pfhumu.

Dhewuteronome 6:5

U na haladza Pfhumu Nungungulu wago, khu monyo wago watshavbo, ni hefemulo wago watshavbo, ni tshivba yago yatshavbo.

Vahebheru 8:10

Egi khu gidzumeledzwano nyi na girago ni vathu va na Israyeli, hwane nya matshigu yale, a ngu ganela Pfhumu, khuye: Nyi na thela milayo yangu mapimoni gwawe, nyi yi lova myonyoni gwawe. Eni nyi na khala Nungungulu wawe, avo va na khala vathu vangu.

Jakobe 2:8

Khu guralo, mwa gu landra nayo yoyu nya Wufumu, mu ngu gira gwadi, owu wu ganedwago khu Milowo nya Guage, khiyo: “Gola muthu kwanu nga edzi u dzi golago khidzo uwe wurumba wago,” avbovbo mu ngu girani gwadi.

1 Johane 3:18

Vandriyangu, lihaladzo lathu li nga khali basi nya guganele ni mabhulo. Li na khale lihaladzo nya lisine, li dzi yeyedza khu mithumo.