Luka 10:1 - Bhibhiliya Nya Guage

¹ Khavbo avbo, Pfhumu a di hatha vambe livbandre na mavili magumi vapizane, a va rumela vavili vavili gu thanga, va bela khu mitalalani a nga bani a gu vbweta gu vbindra khumo.

Luka 10:1 Iomraidhean Croise

Ezekiyeli 8:11

Mbeli gwawe, gu diromo livbandre na mavili magumi (70) madhota ya na Israyeli, gumogo ni Jazaniya, mwamana wa Safani, a diri vbakari gwawe. Khu gyomboni nya guvbisele umo libani, gi nga bani giri mandzani ga moyo ni moyo, gu di gu gwela lipfhi nya likhongolo nya mahema nya gunungele.

Mitengo 11:16

Pfhumu Nungungulu a di embela Mosi, khuye: “Nyi hathele livbandre na mavili magumi vama, avo u vatigo vari madhota vbakari ga va na Israyeli, va kodzago gulamula mahungu, u va resa vbafuvbi ni Tshatsha nya Tshangano, u ya ema gumogo navo.

Luka 1:17

Igyo gi na rumedwa mbeli nya liendro la Pfhumu khu liphuvbo nya tshivba nya nga ya muprofeti Eliya, gasi a rudzise myonyo ya vavelegi ni sanana sawe, ni gu hevbudza guyingisa sanana nyamba yingisa. Gi na dongisela kharati vathu, gasi va hakha Pfhumu khu ndruda.”

Luka 1:76

Gasi uwe, gyananawe, u na ranwa pwani u muprofeti wa Nungungulu a khusegidego ngudzu, kholu u na thanga mbeli ga Pfhumu, gasi gu dongisela dzindzila dzaye.

Luka 7:13

Pfhumu na mu wone, a di mu pwela gisiro, a gu mu embela, khuye: “U nga lili.”

Luka 7:19

Khavbo avbo, Johane a di rana vapizane vavili, a va rumela ga Pfhumu, gasi guya mu wudzisa, khavo: “Khuwe wule a vbwetago guta, mwendro hi nga gu lindrela mumbe?”

Luka 9:52

A di thangisa myango yi hongola talalani nya gukari wa tigoni ga Vasamariya, gasi guya mu dongisela wulanga nya guhefemule.