Luka 1:51 - Bhibhiliya Nya Guage

⁵¹ Giride silo sikhongolo khu mandza yaye, phalalegiside va nya matshandza.

Luka 1:51 Iomraidhean Croise

Genesi 11:8

Khu magirelo yaya, Pfhumu Nungungulu a di va phalalegisa mafuni gwatshavbo, va hegisa khu gu diga guvbaha lidhoropa.

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Dzindzimo 118:15

Mitshatshani nya vathu nya gululame gu pwala lito nya gunengele ni guvbanyisa, khavo: “Libogo la nyamudye la Pfhumu Nungungulu li ngu samadzisa.

Dzindzimo 33:10

Pfhumu Nungungulu a ngu pfhungumula gikungo gya va nya mayigo ni gu thesa vbavbatshi mipimiso nya mayigo.

Dzindzimo 52:9

Nyi na gu bonga gikhati gyatshavbo, khu satshavbo nya sadi u nyi giredego; mbeli nya sihathwa sago nyi na rungudza lina lago, kholu lina khyadi ngudzu.

Dzindzimo 63:5

Nya gu dzipwa gutsaka gukhwatshi nyi di khura khu guhodza nya gunone, nyi na womba mikulungwane nya gutsake nyi gu rungudza.

Dzindzimo 89:10

U gandredzede Rahabhi, nyoga nya yikhongolo ya linene u yi songa, khu gyandza gyago nya tshivba u phalalegiside valala vago.

Dzindzimo 89:13

U na ni libogo li tiyidego mandza yago ma na ni tshivba, wa gu khusedza libogo lago la nyamudye wa gu pala.

Dzindzimo 98:1

Embani ga Pfhumu Nungungulu ndzimo nya yiphya, kholu uye a ngu gira sisamadziso! Uye pade khu tshivba nya libogo laye la nyamudye, khu gyandza gyaye nya gukatege pade mayigo.

Ekisodha 18:11

Olu nyi ngu dziti gukheni Pfhumu Nungungulu khongolo guvbindra vanungungulu vatshavbo, kholu a va phalalegiside ga esi va nga bani va dzi gugumugisa khiso ni dzihanyi.”

Isaya 40:10

Wonani nya gukhenu Mune, Pfhumu Nungungulu, a nguta nari ni tshivba guta fuma khu gyandza gyaye; wonani, a nguta ni tshatshazelo waye, a guta ni vathu a va tshudzisidego; a va thangisa mbeli gwaye.

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Isaya 63:12

wule libogo laye nya wudhumo a va giridego va gimbila khu libogo la nyamudye la Mosi? A nga kabanisago mati khu vbakari mbeli gwawe, gasi gu dzi girela lina nya gupindruge, gani?

Jeremiya 49:15

Kholu wona nya gukhuwe nyi gu giride nuri gyanana vbakari nya mayigo, u hembuludwa vbakari nya vathu vatshavbo.

Dhaniyeli 4:37

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Varoma 1:21

Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.

2 Vakorinto 10:5

hi na khungumule matshandza yatshavbo ma wugelago guti gwa Nungungulu, hi wuyisela mapimo yatshavbo nya wuthu, ma ta yingisa Kristo.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”