Levhi 9:9 - Bhibhiliya Nya Guage

⁹ Sanana saye si di mu resela novba, a gu nega umo nyala a mitegedzela dzikeho nya giluvelo; wumbe novba watshavbo a wu vbaladza tshinani nya giluvelo.

Levhi 9:9 Iomraidhean Croise

Ezekiyeli 43:15

Gikho nya giluvelo, gi diri ni mikono mina gukhugega, khu vbagikhotunu guya vbatshani, na giri ni dzikho dzina.

Ezekiyeli 43:20

U na dzega novba wudugwana u wu thela vbatshani nya dzikeho dza dzina nya giluvelo, ni dzikhonani dza dzina nya gigandredzelo ni dzibambe khu maphuvbo yatshavbo; kharati u na agisa giluvelo, u gi girela giagiso nya ditshedzo.

Levhi 16:18

Khavbo avbo, a na duga a gu hongola giluvelotunu, gi guromo mbeli ga Pfhumu Nungungulu, gasi guya gira avbo phaso nya ditshedzo. A ya dzega novba nya kuzi ni owu nya phongo a wu thela mudzikhehoni nya giluvelo ni wubambe gwatshavbo.

Levhi 4:25

Khu gulandrela, muphasi nya mhamba a na dzega novba nya gifuyo nya miphaso nya guvbiswe gasi gu handza gighoho, khu nyala a na todza khuwo dzikeho nya giluvelo nya miphaso nya guvbiswe; wumbe novba watshavbo a wu vbaladza tshinani nya giluvelo nya miphaso nya guvbiswe.

Levhi 4:30

Khu gulandrela, muphasi nya mhamba khu nyala a na dzega novba nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe, wumbe novba watshavbo a na wu vbaladza tshinani nya giluvelo.

Levhi 8:15

Mosi a di paya kuzi a hakhedzela novba wakone, na negide nyala yaye novbani, a di todza dzikeho nya giluvelo khu maphuvbo yatshavbo a gi agisa; khu hwane a di guhula novba watshavbo tshinani nya giluvelo a gi agisa gasi gu ningela avbo phaso nya gulivbe nandru nya gighoho.

Levhi 9:10

Khu hwane, a di vbisa mafura vbatshani nya giluvelo, dzitshwa ni libindri nya girengo nya phaso nya ditshedzo, kha nga edzi Pfhumu Nungungulu a leletedego khidzo Mosi.

Levhi 9:12

Khu gulandrela, Aroni a di paya girengo nya phaso nya guvbiswe; sanana saye si di mu resela novba, uye a gu wu mitegedzela wubambe nya giluvelo.

Levhi 9:18

Khu hwane, Aroni a di paya kuzi ni nvuta nya phaso nya pwanano wu ningedwago khu vathu. Sanana saye si di mu ninga novba, a gu mitegedzela wubambe gwatshavbo nya giluvelo.

Vahebheru 2:10

Khu lisine, a diri fanelo ya Nungungulu, Pfhumu ni Muvangi nya silo satshavbo, gu gira Jesu a khala muthu nya guvbelele khu sitshaniso, ni gu yisa wudhumoni sanana saye nya singi, kholu Jesu khuye a si yisago guvbanyani.