Levhi 26:16 - Bhibhiliya Nya Guage

¹⁶ eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Levhi 26:16 Iomraidhean Croise

1 Dzipfhumu 8:37

Gwa gu manega ndzala tigoni, mwendro tungu, ni gihala gi vbisa dzimbewu, maluvbya, dzimbera ni siwungu; va gu randredwa khu valala vawe, tigoni gu gu ni dzindranga dzawe, mwendro gu manega dzingumbe nya guhambanelane ni mitungu,

Joba 18:11

Va na thurugiswa khu maphuvbo yatshavbo khu dzimhango, va landreledwa ni evbini va hongolago.

Joba 20:25

A gu homola gighalala khu hwamboni gwaye, litshari, li na duga khumo nya nyongwa yaye, na li gu khedziga. Kholu a na bani na tade khu hwanga.

Joba 31:8

khu guralo, eni nyi na yale, mumbe a hodza, ni dzimbewu dza thembweni gwangu dzi na siguledwe khu mikhambani.

Dzindzimo 109:6

Hatha mulamuli nyambasi wadi a lamula nala wangu. Sathane a na khale khu nyamudye gwaye.

Dzindzimo 73:19

Va na thedwa hwanga va mbembiswa khu githugedza, va vbiyedwa va fuviswa.

Dzindzimo 78:33

Khu guralo, uye a di vbungula matshigu yawe ma vbindra kha nga furugedzo nya phuvbo guvbanyani gwawe va taledwa khu sigaradzo.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Mavingu 3:33

Pfhumu Nungungulu a gu vala dzindranga dza va nya guvivbedwa khu myonyo, aholu a kategisa dzindranga dza va nya gululama.

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Isaya 7:2

Khu guralo, ndranga ya Dhavhidhe yi di tiviswa gupwani: “Siriya hungide pwanano ni va na Efrayimi.” Khavbo avbo, monyo wa Akazi, wu di ndrendremela gumogo ni vathu vaye, gu fanana ni misimbo ya khabini ya gu bani yi kutsungwa khu phuvbo.

Jeremiya 12:13

Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Jeremiya 15:3

Pfhumu Nungungulu a ngu ganela khuye, nyi na va rumela dzimhango dzina nya sitsayiso a gu edzi: Va na songwa khu matshari, sirumbi sawe si ndrindrwa khu dzimbwa, nyama yawe yi rothedwa khu sinyoni sa damboni ni gu hodzwa khu sirengo sa khabini si va vbiyela.

Jeremiya 15:8

Dzinoni dzawe, dzi tade guvbindra fungu wa phwani; nyi rumede mumbembisi ga mayi nya madzaha yawe, gu ngari mihani; nyi mu resede khu githugedza gusaniseka ni hwanga, gu tadza lidhoropa latshavbo.

Jeremiya 20:4

Kholu Pfhumu Nungungulu a ngu ganela kharati, khuye: Wona nya gukhuwe nyi na gu gira gighevenga, u dzi thusedzela wabune ni gu thusedzela dzipari dzago; avo va na songwa khu matshari khu valala vawe nu gu va wona, va na Judha vatshavbo va na thegela mandzani ga mufumeli wa Bhabhiloni; uye a na va vbagela vayiswa wugumbini tigoni ga Bhabhiloni aya va sasela khu matshari.

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Ezekiyeli 24:23

Mu na khala na mu ambade sihugu hungoni ni silato migondroni; kha mu na gira gililo ambari gulila, aholu mu na mbemba khu kota nya guvivbe gwanu, gambe mu na lilelana khu gyanu.

Ezekiyeli 33:10

Khu guralo, uwe, mwamana wa muthu, tivisa ndranga ya Israyeli, khuwe: Enu mwari, khenu: Ethu ha gu lemedwa khu nandru nya sighoho sathu, olu hi ngu vbweta gumbemba khu kotani nya iso, hi na dzi vbanyisa kharini?

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Mikeya 6:15

U na yala, aholu khu na nga vbwera; u na gamela dziolivha, aholu khu na tola mafura yakone; u na gamela dziuvha, aholu khu na sela vbinyu yakone.

Agewu 1:6

Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”

Zakariya 14:12

Owu khuwo tungu a nga wu thumisago Pfhumu Nungungulu gasi gu bayisa khuwo mayigo yatshavbo ma nga wugelago Jerusalema; nyama yawe yi na hina na va nga gu vbanya; maho yawe ma na hina musikodoni gwawe, ni malimi yawe ma na hina maganani gwawe.

Malakiya 2:3

Nyi na tsayisa situgulwana sanu, nyi gwiringela khovbeni gwanu, swanyi nya sirengo mu nyi luvago khiso, mu na dzudzugwa vbavbandze gumogo ni swanyi nya mibuzo yanu.

Dhewuteronome 28:51

Vathu vovo va nata hodza mihandro nya sifuyo sago ni mihandro ya mahangeni gwago kala u gumbembiswa; kha va na gu tshiyela ambari ni tirigu, vbinyu, mafura, sifuyo sago nya dzimombe ambari ni sanana nya dzinvuta dzago kala a gumbembiswa.

Dhewuteronome 32:25

Vbavbandze, va naya sasedwa khu matshari, dzinyumbani va na mbemba khu guvbisa; lidzaha lina mbemba gumogo ni likendzi, gyanana gya beleni gumogo ni gikhosane.

Vahebheru 10:31

Gu ngu thisa ngudzu gu thegela mandzani ga Nungungulu a vbanyago.

Valamuli 6:11

Khavbo avbo, Ngilozi ya Pfhumu Nungungulu, yi dita khala vbavbatshi nya simbo nya wukhongolo wa Ofira, wu nga bani wu lumba Jowasi nya lihundzu la Abhiyezeri. Mwanaye Gidhiyoni, a diri guvbulani nya tirigu, vbagithalatunu gu gamedwago avbo dziuvha, gasi guya sihala umo va si wonwi khu Vamedhiyani.

1 Samuweli 2:33

Khu guralo, moyo nya situgulwana sago, nyi na mu tshiyago vbagiluvelotunu gwangu, a na tshima maho yago gasi gu tshanisa hefemulo wago; aholu vathu vatshavbo va ndrangani gwago va nafa na va si gu gumbi.