Levhi 26:12 - Bhibhiliya Nya Guage

¹² Nyi na bani nyiri vbakari gwanu, nyi khala Nungungulu wanu, enu mu khala vathu vangu.

Levhi 26:12 Iomraidhean Croise

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Genesi 3:8

Ga igyo gikhati, va dipwa lito la Pfhumu Nungungulu a nga bani na gu gimbila thembweni apwa gupepa nya silambo, mwama ni nyamayi va di thava va sihalela Pfhumu Nungungulu misimboni ya thembweni.

Genesi 5:22

Hwane nya gu na velegide Metusalema, Enoki vbanyide gipimo nya mazana mararu (300) myaga na gu landrisa gugola gwa Nungungulu, a di velega talo nya sanana nya vama ni vanyamayi.

Genesi 5:24

Enoki a di landrisa gugola ga Nungungulu gikhati gyatshavbo, a di mwalalega nyamba wonwa gambe. Kholu Nungungulu a di mu dzega aya khala naye.

Genesi 6:9

Aya khu matimo ya Nowa. Matshiguni gwaye, Nowa a diri uye basi muthu nya lisine nya gululame mafuni, a di gu landrisa gugola ga Nungungulu gikhati gyatshavbo.

2 Samuweli 7:7

Malangani yatshavbo nyi gimbidego ni va na Israyeli, ina nyi di nga ganela lito nya gukari ni moyo nya lihundzu lawe, avo nyi va rumidego gu havisa vathu vangu va na Israyeli nyi va embela, kheni: Khu ginani mu gumba nyi vbahela nyumba nya misimbo nya sedhari, gani?

Dzindzimo 50:7

“Yingisani, enu vathu vangu! Nyi ngu vbweta gu ganela nanu; gasi gu gu konisela uwe Israyeli. Eni kheni Nungungulu, Nungungulu wago.

Ekisodha 29:45

Nyi na vbanya vbakari nya sanana sa Israyeli, nyi na bani nyiri Nungungulu wawe.

Ekisodha 29:46

Va na nyiti gukhavo kheni Pfhumu Nungungulu wawe, nyi va dusidego khu tigoni ga Egipito, nyi fela gu ta vbanya vbakari gwawe; eni kheni Pfhumu Nungungulu wawe.

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Jeremiya 11:4

nyi ningidego vababe vanu gikhati nyi va dusidego khu tigoni ga Egipito, gidhingiseloni nya dzisimbi, nyi nga va embela, kheni: Yingisani lito langu ni gu gira satshavbo nyi mi rumago; khu guralo, enu mu na bani muri vathu vangu, eni neni nyi na khala nyiri Nungungulu wanu;

Jeremiya 30:22

Enu mu na bani muri vathu vangu, ni Eni nyi na bani nyiri Nungungulu wanu.”

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Jeremiya 32:38

Avo va na khala vathu vangu, Eni nyi na bani nyiri Nungungulu wawe.

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Ezekiyeli 11:20

Satshavbo soso gasi va kodza gu landrisa silayelo sangu ni gu vegisa milayo yangu, va wuya va yi thuma; avo va na khala vathu vangu, Eni nyi na khala Nungungulu wawe.

Ezekiyeli 36:38

Kha nga tshambi wu agisedwego, kha nga tshambi wa Jerusalema matshiguni nya mibuzo. Kharato nugo madhoropa nya marumbi, ma na tala khu mapango nya vathu. Avo va na dziti gukhavo eni kheni Pfhumu Nungungulu.”

Joyele 2:27

Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Mitengo 5:3

Mwama mwendro nyamayi mu na va dusani; va duseni vbavbandze nya lizumbo, gasi va si li nyenyezisi, kholu Eni nyi womo vbakari gwawe.”

Matewu 22:32

‘Eni kheni Nungungulu wa Abrahama, Nungungulu wa Isaki ni Nungungulu wa Jakobe,’ gani? Uye khandri Nungungulu wa va nya gufa, aholu, khwa va nya guvbanya!”

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Dhewuteronome 23:14

Kholu, Pfhumu Nungungulu wago, womo vbakari nya lizumbo gasi gu gu vhikela, ni gu ningela valala vago mandzani gwago; khu kharato, lizumbo lago gu vbwetega na li agide, gasi uye a si woni ndzilo avbo gwago, a dzi hambanisa nago.”

Dhewuteronome 23:15

“Khumbi ya gu thava ga mune waye, yi thavela ndrangani gwago u nga yi bweledzi u ya yi ningela ga mune waye.

Vahebheru 11:16

Aholu, avo va di vbweta litigo nya ladi ngudzu, litigo la ndzadzini. Nungungulu kha khali dzitshoni gu ranwa pwani Nungungulu wawe, kholu khuye a va dongisedego lidhoropa.

Gutuledwa 2:1

Lovela ngilozi nya libandla la Efeso, khuwe: “Wule a pharidego livbandre na dzimbili dzinyeledzi khu nyamudye; wule a vbindrago khu vbakari nya livbandre na dzimbili dzikandriya nya ndralama, wari, khuye:

Gutuledwa 21:7

Oyu a na palago a na hakha thomba yeyi, eni nyi na khala Nungungulu waye, ni uye a khala gyanana gyangu.