Levhi 20:2 - Bhibhiliya Nya Guage

² “U na embela gambe sanana sa Israyeli, khuwe: Gani khu wevbi nya livelego la Israyeli, mwendro muluveli a luvelago tigoni ga Israyeli, a na ningelago gyanana gyaye a gira phaso nya mhamba ga Moloki, fanede gu songwa. A na pfarwa khu siwindri khu vathu va tigoni gwawe.

Levhi 20:2 Iomraidhean Croise

1 Dzipfhumu 11:7

Khavbo avbo, Solomoni a di vbaha gigomoni gu nga khedzanago ni Jerusalema, giluvelo nya guphasele avbo Khemosi, nungungulu nya manyala wa Mowabhi, ni Moloki, manyala ya na Amoni.

2 Dzipfhumu 17:17

Va di vbisa gambe sanana sawe nya sikhwathana niso nya sagadzyana niloni, va dzi ningedzela dzisoloni ni wuloyi, va gira silo nya guvivbe mbeli ga Pfhumu Nungungulu, va mu gorogisa.

2 Dzipfhumu 23:10

A di nyenyezisa gambe Tofeti, wulanga nya guvbisedwe avbo, wu guromo kovani ga sanana sa Himoni, gasi gu si manegi ni moyo a yelago gu vbisa gyanana gyaye nya gikhwathana mwendro nya nyamahegyane a phasela Moloki.

2 Dzikoronika 28:3

Vbiside gambe mabani kovani wa gyanana gya Bheni-Hinomi, a vbisa ni sanana saye niloni, a landrela mavbanyelo ya va nya mayigo ava Pfhumu Nungungulu a va tutumisidego mbeli ga va na Israyeli.

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

Dzindzimo 106:38

Va vbaladzide milovba nya vathu nyambana nandru, novba nya sanana sawe nya vama ni vanyamayi, va phasela vanungungulu Vakhanani, ni litigo li di nyenyeziswa khu novba wawe.

Jeremiya 32:35

Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Jeremiya 7:31

Va vbahide malanga nya gulaphe nya gukhozele umo tigoni ga Tofeti, kovani ga mwamana wa Hinomi, gasi guya vbisela umo sanana sawe nya sikhwathana nesi nya sagadzyana khu nilo; silo nyi ngamba va ruma ambari gu si alakanya monyoni gwangu.

Ezekiyeli 20:26

nyi di va diga va dzi nyenyezisa khu kotani nya miningelo yawe, ni gu gira miphaso nya guvbiswe sanana nya matiwula, gasi nyi va thela hwanga, va kodza gu nyiti gukhavo eni kheni Pfhumu Nungungulu.

Ezekiyeli 20:31

Gikhati mu ningelago miningelo yanu, ni miphaso nya guvbise niloni sanana sanu, ina khandri mwa gu simama gu dzi nyenyezisa khu sifananiso sanu satshavbo, kala muhuno, gani? Ina eni nyi na mi dzumedzisa enu va na Israyeli, gukheni nyi wudziseni, gani? Nyi ngu sambanya khu guvbanya gwangu, gukheni: Kha nyi na mi diga mu nyi wudzisa, a ngu ganela Mune Pfhumu Nungungulu.

Ezekiyeli 23:37

Kholu avo va giride wubhayi, mandza yawe ma kunede khu novba; va bhayide ni sifananiso sawe; kala ni sanana sawe va nyi velegedego, va si vbiside niloni va phasela sifananiso.

Ezekiyeli 23:39

Ga litshigu la limwedo va nga bani va gu phasela sanana sawe ga sifananiso sawe, avo va di gu bela nyumbani gwangu nya miphaso va gu nyenyezisa. Khiso va giridego nyumbani gwangu.

Levhi 17:13

Ni wevbini muthu vbakari nya sanana sa Israyeli, mwendro valuveli va vbanyago vbakari gwanu, a sotago girengo nya likhabi mwendro ginyoni nya esi si dzumedziswago gu hodzwa, a na vbaladze novba wakone a wu futela khu mafu.

Levhi 17:15

Muthu watshavbo, gani givelegwa mwendro muluveli, a gu hodza girengo nya gufe gyabune, mwendro nya gusongwe khu sirengo nya likhabi, a na handza guambala gwaye, aya hamba matini, ambari ulo a na nyenyeza kala gupfolani nya lidambo; hwane nya ugo, a na aga.

Levhi 17:8

U na va embela gambe, khuwe: Muthu watshavbo wa nyumbani ga Israyeli, mwendro valuveli va vbanyago vbakari gwawe a na ningelago phaso nya guvbiswe, ambari wuri wumbe phaso,

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Levhi 20:1

Pfhumu Nungungulu a di embela gambe Mosi, khuye:

Levhi 20:27

Mwama mwendro nyamayi a na dzi ningedzelago guphasela dzinguluve, ni gulola dzisolo mwendro wutumbe; va na pfarwa khu siwindri. Novba wawe wu na thegela vbatshani gwawe.”

Levhi 24:14

“Dusa muhembululi vbavbandze nya wughovelo: Vatshavbo vale va mupwidego na gu vala, va na handzega mandza hungoni gwaye, tshangano watshavbo wu na mu pfare khu siwindri.

Levhi 24:16

Oyu a valago lina la Pfhumu Nungungulu a na songwa, tshangano watshavbo wu na mu pfara khu siwindri, vathu vatshavbo, gani muwuyi, gani givelegwa gya Israyeli, oyu a valago Lina la Pfhumu Nungungulu fanede gu songwa.”

Levhi 24:23

Mosi a di ya tshamusela satshavbo ga sanana sa Israyeli. Khavbo avbo, va di dzega muvali va duga naye vbavbandze nya wughovelo, va ya mu pfara khu siwindri. Kharati, sanana sa Israyeli si di tadzisa sileletelo sa Pfhumu Nungungulu a nga leletelago Mosi.

Mithumo 7:43

Mu di rwala tabherinakeli ya Moloki, ni gifananiso nya nyeledzi ya nungungulu Rafani, a gu sifananiso nya gugirwe khu mandza yanu mu fela gu si khozela. Khu nandru yoyo, nyi na mi vbagedzisa mu yiswa hwindzo guvbindra Bhabhiloni.’

Dhewuteronome 12:31

U nga giri kharato ga Pfhumu Nungungulu wago, kholu gunyenyeza gwatshavbo gu nyenywago khu Pfhumu Nungungulu, avo va dzi girede vanungungulu vawe, khu guralo, vathu vovo va vbiside niloni sanana sawe va vbisela vanungungulu vawe.

Dhewuteronome 17:2

A gu manega muthu vbakari gwanu, madhoropani a na gu ningago Pfhumu Nungungulu wago, gani mwama gani nyamayi a na girago ugo gu vivbidego mahoni gwa Pfhumu Nungungulu wago, a hambanisa gidzumeledzwano gyaye,

Dhewuteronome 18:10

A nga manegi vbakari gwanu ni moyo nya gugire phaso khu guvbisa mwamana waye mwendro nyamahegyane waye niloni, gambe a nga manegi oyu nya guthumise wunyanga, ni gulola dzisolo, va nya gufemba ni wuloyi;

Dhewuteronome 21:21

Khavbo avbo, vathu vatshavbo va dhoropani gwaye, va na gi pfara khu siwindri kala gifa; khu guralo, u na vbedza guvivba vbakari gwago; va na Israyeli vatshavbo va na sipwa va khala hwanga.

Dhewuteronome 22:21

va na mu dzega va gu hongola naye nyangwatunu nya ndranga ya babe waye, vama va dhoropani gwaye va na mu pfara khu siwindri kala afa, kholu giride dzitshoni tigoni ga Israyeli, a dzi gira libhemba ndrangani ga babe waye; khu guralo, u na vbedza guvivba vbakari gwago.