Levhi 17:4 - Bhibhiliya Nya Guage

⁴ nyamba phela khu gu yi dzega a hongola nayo nyangwatunu nya Tshatsha nya Tshangano, gasi aya yi bikela ga Pfhumu Nungungulu, mbeli nya Wulanga nya Guage, a na ningwa nandru nya guvbaladze novba; khu gu na vbaladzide novba, a na fuviswa vbakari nya vathu vaye.

Levhi 17:4 Iomraidhean Croise

Genesi 17:14

Oyu nyamba hana wugwera, mwama a na gumba pidwa lidowo nya wama waye, a na fuviswa vbakari nya valongo vaye, kholu ndragide milayo nya gidzumeledzwano gyangu.”

Dzindzimo 32:2

Kategide muthu wule, a si wonwigo nari ni nandru khu Pfhumu Nungungulu; wule a gu mwalo mahingigedzo nya wukanganyisi.

Ekisodha 12:15

Mu na vbedza livbandre na mavili matshigu na mu gu hodza sibaba nyambana mela. Gukhugela litshigu nya guphele, mu na dusani mela watshavbo dzinyumbani gwanu, kholu muthu watshavbo a na hodzago gibaba nya guthedwe mela, ndrani nya matshigu yatshavbo yaya nya livbandre na mavili, gukhugela litshigu nya guphele kala litshigu nya guhegise, muthu yoyo, a na fuviswe a si lumbi gambe vathu va na Israyeli.

Ekisodha 12:19

Matshigu yoyo nya livbandre na mavili, mu nga manegi ni gilo nya guvave mudzinyumbani gwanu, kholu uye a na hodzago gibaba nya guthedwe mela, muthu yoyo, gani muluveli, gani givelegwa gya tigoni, a na fuviswa tshanganoni nya vathu va na Israyeli.

Ekisodha 30:33

Oyu vbakari gwanu a na girago mambe nya guyedzedzele aya, mwendro gu todza khayo oyu a si dzumedziswigo khu nayo, a na fuviswa vbakari nya vathu vaye.”

Ekisodha 30:38

Oyu a na girago mambe nya gufanane ni aya khu gufela gufemba a pwa gunungela gwaye, a na fuviswa vbakari nya vathu vaye.”

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Ezekiyeli 20:40

Kholu, gigomoni gwangu nya gukatege, gigomo nya gulaphe gya Israyeli, a ngu ganela Mune Pfhumu Nungungulu, vbale ndranga yatshavbo ya Israyeli yi na nyi khozela, avbo eni nyi naya va hakha. Gambe, nyi naya va gurumedza gu nyi ninga miphaso ni miningelo yawe nya yadi nya mihandro nya guhegule, gumogo ni silo sawe satshavbo nya guage.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 17:10

“Gani khu wevbini muthu wa nyumbani ga Israyeli, mwendro valuveli va vbanyago vbakari gwawe, a na hodzago novba, gani lifumbu muni, nyi na mu wugela muthu yoyo a hodzago novba, nyi mu fuvisa vbakari nya vathu vaye.

Levhi 17:14

Kholu guvbanya nya mili gomo novbani gwaye, khidzo kharato nyi nga embela sanana sa Israyeli, kheni: Mu nga hodzini novba ni wa gevbini girengo, kholu guvbanya gwaye gomo novbani gwaye. Oyu a hodzago novba a na fuviswa vbakari gwawe.

Levhi 17:3

Ni wevbini wa ndrangani ga Israyeli a payago mombe, mwendro nvuta, mwendro phongo, ndrani nya lizumbo mwendro vbavbandze nya lizumbo;

Levhi 17:5

Khu kharato, sanana sa Israyeli, si olovedego gu paya sirengo nya miphaso vbavbandze, si fanede gu yisa sirengo sawe ga muphasi nya mhamba a si bikela ga Pfhumu Nungungulu. A na si paya nyangwatunu nya Tshatsha nya Tshangano, a gira ningelo nya phaso nya pwanano nya gurungudze Pfhumu Nungungulu.

Levhi 17:9

nyamba phela khu gu bikela girengo gyakone nyangwatunu nya Tshatsha nya Tshangano, gasi gu ningela ga Pfhumu Nungungulu, muthu yoyo a na fuviswa vbakari nya vathu vaye.”

Levhi 18:29

Vatshavbo va na girago gimwegyo nya gulolele gogo, va na fuviswa vbakari ga vathu vawe.

Levhi 20:16

Nyamayi a gu hidzimela ga girengo a lala nagyo; songani nyamayi mu bwelo khavbo mu songa gambe girengo, va na konedwe gufa. Novba wawe wu na thegela vbatshani gwawe.

Levhi 20:18

Mwama a gu lala ni nyamayi a wonago migima yaye, avbo a funungulago wumbwiri waye, khu wuvili wawe va na fuviswa vbakari gwa va na gyawe, kholu funungude gibuga nya novba wa nyamayi yoyu, ni nyamayi yoyu funungude gibuga nya novba waye.

Levhi 20:3

Nyi na thendregedza nyi wugela muthu yoyo, nyi mu fuvisa vbakari ga na gyawe, kholu ningede gyanana gyaye gi gira mhamba nya guphasedwe Moloki, a nyenyezisa kharati wulanga wangu nya guage ni gu vivbisa lina langu nya guage.

Levhi 3:2

A na handzega mandza hungoni nya girengo nya miphaso gi bikedwego, aya gi paya nyangwatunu nya Tshatsha nya Tshangano, khu hwane, vaphasi nya mhamba, sanana sa Aroni, va na mitegedzela novba maphuvbo yatshavbo nya giluvelo.

Levhi 7:18

Ya gu kala nyama yakone nya phaso wowu yi hodzwa khu muthu, hwane nya gu bani na gu vbindride matshigu mararu, oyu a wu bikelago, gima kha na nga hakha makategwa; phaso waye wu na bani wu nyenyezide, oyu a hodzago nyama yakone a na rwala nandru waye.

Johane 10:7

Jesu a di engedza gambe, khuye: “Khu lisine, nyi ngu mi embelani, kheni: Eni nyi mwanya dzi belago khavbo dzinvuta.

Johane 10:9

Eni nyi mwanya; uye a belago khavbo gwangu a na vbanyiswa a na bela ni guduga; gambe a na mana mahawo.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Varoma 4:6

Khidzo kharato, Dhavhidhe a ganelago khu makategwa ya vale Nungungulu a va tshanganisidego lihaladzoni gwaye, nyamba khumbuga mithumo yawe, khuye:

Varoma 5:13

Gighoho gi diromo khu gale mafuni na wu si gu vegwi Nayo. Aholu, Nungungulu a di si theli kota khigyo, kholu a di si gu vegi Nayo.

Varoma 5:20

Nayo wu tede guta engedzela gighoho. Aholu avbo gighoho gi nga dandra, wuhigo wa Nungungulu wu di engedzela gu dandra ngudzu.

Dhewuteronome 21:8

Pfhumu Nungungulu, tsetselela vathu vago va na Israyeli, avo uwe u va dzegisidego, u nga dzumeli gukhuwe novba nyambana nandru wu thegela vbatshani gwathu ethu vathu vago, va na Israyeli. Nandru nya novba wule wu na tsetseledwa.