Levhi 10:2 - Bhibhiliya Nya Guage

² Khavbo avbo, gu di duga nilo khu ga Pfhumu Nungungulu, wu va vbisa vafa mbeli ga Pfhumu Nungungulu.

Levhi 10:2 Iomraidhean Croise

2 Samuweli 6:7

Khavbo avbo, li di khondra likhulo la Pfhumu Nungungulu a wugela Uza, Nungungulu a di dzegela gu mu veta avbovbo khu kotani nya makolo yaye, afela vbale vbafuvbi ni Ngasa ya Nungungulu.

1 Dzipfhumu 13:28

Khavbo avbo, uye a di hongola aya mana girumbi na gi di tshandzala vbakari nya ndzila, buru ni nghala na si emide vbafuvbi ni girumbi; nghala kha ya nga hodza mili nya muthu, ambari buru gu vbadzuledwa khu nghala.

1 Dzipfhumu 18:38

Khavbo avbo, khu githugedza wu di thega nilo wa Pfhumu Nungungulu wu ta vbisa nyama yatshavbo wu tsagamisa phaso, dzikhuni, siwindri, bwelo khavbo wu minya ni mati ya umo nya sele.

2 Dzipfhumu 1:10

Eliya a di va hakha, khuye: “Nya gu bani nyiri muthu wa Nungungulu, wu na tshige nilo khu ndzadzini, wu ta gu mbembisa gumogo ni vathu vago nya livbandre magumi.” Khu guralo, wu di tshiga nilo khu ndzadzini wu ta mbembisa muthangeli ni vathu vaye nya livbandre magumi.

2 Dzipfhumu 1:12

Eliya a di va hakha, khuye: “Nya gu bani nyiri muthu wa Nungungulu, wu na tshige nilo khu ndzadzini, wu ta mbembisa uwe gumogo ni vathu vago nya livbandre magumi.” Wu di tshiga nilo khu ndzadzini wu ta mbembisa ndruna gumogo ni vathu vaye nya livbandre magumi.

1 Dzikoronika 13:10

Khavbo avbo, Pfhumu Nungungulu, a di wugela Uza, kholu a nga phara ngasa khu mandza, a di mu songa. Uye a difa vbale mbeli ga Nungungulu.

1 Dzikoronika 15:13

Khu guralo, olu guhegulani mu ngamba manegani, Pfhumu Nungungulu wathu a hi vetide, kholu kha ha landrisa sileletelo a hi leletedego.”

1 Dzikoronika 24:2

Nadhabhi ni Abhiyu va phede khavo gufa, babe wawe na nga gu vbanya, kha va nga tshiya sanana; Eliyazari ni Itamari va diri vaphasi nya mhamba.

Joba 1:16

Na si gu vbedzi gu ganela, gu dita wumbe mwango, wuta, khuye: “Nilo wa Nungungulu wu thegide khu ndzadzini, wuta vbisa tshambi watshavbo nya dzinvuta gumogo ni sithumi, nyi di tshala eni nyenga basi, nyi gu reselago mwango.”

Dzindzimo 50:3

Nungungulu wathu a nguta, kha nata degula; mbeli gwaye wu ngu dzura nilo nya guvbise; randredwe khu phuvbo nya gingulu.

Ekisodha 24:1

Nungungulu a di embela Mosi, khuye: “Lita ga Pfhumu Nungungulu wago, uwe, Aroni, Nadhabhi, Abhiyu gumogo ni vale nya livbandre na mavili magumi madhota ya Israyeli; mu ta khidzima khu hwindzo.

Isaya 30:33

Kholu gikho gi dongisedwe khu gale, gi dongisedwa mufumeli. Li dongisedwe liphala nya likhongolo nya guete, wu na khondriswa nilo nya dzikhuni nya dzingi khu furugedzo wa Pfhumu Nungungulu, wu fananago ni tsongo nya nilo nya solufa.

Levhi 10:5

Avo va di hidzimela, va ta va ndrindra khu dzingandzu dzawe va gu va dusa vbavbandze nya lizumbo kha nga idzo va nga embedwago khidzo khu Mosi.

Levhi 16:1

Hwane nya gufe ga sanana sivili sa Aroni, Pfhumu Nungungulu a di ganela ga Mosi, gikhati va nga hidzimela vbafuvbi ga Pfhumu Nungungulu.

Levhi 9:24

Gu di duga nilo khu mbeli ga Pfhumu Nungungulu wu ngata tsagamisa nyama nya phaso nya guvbiswe ni mafura vbatshani nya giluvelo. Avbo va nga wona, vathu vatshavbo va di kulungela khu gunengela va noga va kuha vbavbatshi khu khovbe.

Mitengo 14:37

Avo vama vale va nga ganelago guvivba khu litigo, va difa khu tungu mbeli ga Pfhumu Nungungulu.

Mitengo 16:35

Khavbo avbo, gu dita khiyo ga Pfhumu Nungungulu, nilo wuta mbembisa avo nya mazana mavili ni livbandre magumi (250) va nga bani va vbiside libani.

Mitengo 16:49

Avo va nga fago khu tungu wule va diri likhumi na mana ni livbandre na mavili mazana (14.700), khavo va ngafago khu kotani ya Kore.

Mitengo 26:61

Nadhabhi ni Abhiyu va difa gikhati va nga ningelago nilo nya gunyenyeze ga Pfhumu Nungungulu.

Mithumo 5:10

Gikhati gyogyo nyamayi a di thega vbavbatshi migondroni ya Pedro afa. Na ma bede madzaha, ma di mu dzega ma ya mu dzinga vbafuvbi ni mwama waye.

Mithumo 5:5

Na pwide magana yaya Ananiya a di thega vbavbatshi a sala afa. Khavbo avbo, vatshavbo va nga mapwago mahungu yaya, va di khala hwanga.

1 Vakorinto 10:11

Satshavbo sesi si manegide gwawe gasi gu khala giwonegiso, gambe si lovidwe gasi si khale gitiviso ga ethu hi vbanyago ga matshigu yaya nya guhegise.

1 Samuweli 6:19

Pfhumu Nungungulu a di sasela vathu va Bheti-Semesi, kholu va nga holelago ndrani nya Ngasa ya Pfhumu Nungungulu, gu songwa livbandre na mavili magumi (70) vathu; khavbo avbo, vathu va di lila kholu Pfhumu Nungungulu a nga va girelago wusaseli wowu nya wukhongolo.