Joyele 2:7 - Bhibhiliya Nya Guage

⁷ Va na tutuma kha nga dzindrena, va na lita mabhiyo kha nga vathu nya gudwane nyimbi, moyo ni moyo a na bela khu ndzila yaye, gambe kha va na ndreya ndzararani gwaye.

Joyele 2:7 Iomraidhean Croise

2 Samuweli 1:23

Sawule ni Jonatane va di gu godwa ni gu haladzwa, guvbanyani ni gufani, gima kha va hambana! Va di gu vbuvba gu vbindra maghama, ni tshivba gu vbindra dzinghala.

2 Samuweli 5:8

Khu litshigu lolo Dhavhidhe a di ganela, khuye: “Gani khu mani a na saselago Vajebhusi, kala a vboha gifefetunu nya mati, ga sigoha ni sikhumu saye esi si vengwago khu Dhavhidhe!” Khavbo gu nga ganedwa, pwani: “Ambari gikhumu ni gilima kha gi na bela ndrangani momu.”

1 Dzikoronika 12:36

Khu ga va na Aseri; gu dzude tengo nya magumana magumi magumi mazana (40.000) vama va dongisedwego guya dwana.

Joba 16:14

A nyi thede dzimbanga milini gwatshavbo, a nyi sasela gukhwatshi nyi mudwani nya nyimbi.

Dzindzimo 19:5

Ilo la gu duga kha nga mudzegi a dugago khu makhuvini, kha nga ndrena yi gimbilago ndzilani na yi tsakide.

Mavingu 30:27

Dzimbera dzi mwalo mufumeli; aholu dzi ngu vbuvba gumogo khu mitsawa.

Jeremiya 5:10

Litani mabhiyo yaye mu ma khungumula, aholu, mu nga ma pfhungumuleli muphelo; duselani matamo yaye, kholu ayo kha ma lumbi Pfhumu Nungungulu.

Joyele 2:8

Kha va liginyani; moyo ni moyo a na thonona guya mbeli; va vbindra khu vbakari nya litshari, nyamba bayiswa.

Joyele 2:9

Va gu vbindra khu madhoropani; va tutumatutuma vbatshani nya mabhiyo, va lita dzinyumbani, va bela khu sihogo nga mbafa.