Joyele 1:6 - Bhibhiliya Nya Guage

⁶ Kholu li dzude litigo nya tshivba li ta dhumela litigo langu, ni vathu nya vangi nyamba tidwa ni tengo wawe; magwaha yawe ma gu fanana ni magwaha nya nghala, na vari ni siwombo nya nghala nya ngadzi.

Joyele 1:6 Iomraidhean Croise

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Mavingu 30:14

Vomo vathu vale magwaha yawe a gu matshari ni dzindzarara dzawe nya mwagwaha, a gu migala, gasi gu vbedza khayo sisiwana mafuni ni vale va hamugago gilo vbakari nya vathu.

Isaya 32:13

Tigoni ga vathu vangu, gu na buga miba ni sirangalabwa; gumogo gambe ni dzinyumbani gwatshavbo gu nga bani gu tsakwa umo, dhoropani puluwundrago khu gunengela.

Isaya 8:8

mati ma na bela tigoni ga Judha, kha nga ndrambi, ma langaladza vathu kala dzithamoni. Guanama nya mambapi yaye gu na fenengedza guanama nya litigo lago, uwe Emanuweli.

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Joyele 2:25

Nyi na mi bweledzela nyaluphye myaga yile dzimbewu dzanu dzi nga mbembiswago khu mbasa, khaba, sibukhwa, mipungu ni libutho langu nya likhongolo nyi nga mi rumelago.