Josuwa 8:14 - Bhibhiliya Nya Guage

¹⁴ Avbo mufumeli wa Ayi, a nga si wonago, a di khuga khu guvbiredza dhoropani, uye gumogo ni vathu vaye va di khuga ni mambagugya va ya tshangana ni va na Israyeli va dwanana navo, va di ya tombana ga wulanga nya kova, na va si dziti nya gukhavo vambe va sihade khu hwane nya lidhoropa.

Josuwa 8:14 Iomraidhean Croise

Muhevbudzi 9:12

Muthu nuye kha giti gikhati gyaye nya gufe; a gu fanana ni ndzandzi yi modwago khu ligoga, ni ginyoni gi modwago khu naphwi, sanana nya vathu niso kharato, si na dugedwa khu mhango gikhati gyawe, va thegedwa khiyo khu githugedza.

Isaya 19:11

Vathangeli va Zowani va vbungugide mapimo; ni madhota nya gugengele ma ningago wusingalagadzi Faro, va gu mu ninga wusingalagadzi nya wuphuguphugu; gu na phasa ginani gu embelani Faro, khenu: “Nyi gyanana gya vagengeli, gitugulwana gya vafumeli va gale?”

Isaya 19:13

Vathangeli va Zowa va vbungugide mapimo, vathangeli nya lidhoropa la Menifisi va kanganyisidwe; va pengiside Egipito a bela gughohani, avo gu vathangeli nya dzinyumba dzawe.

Dhaniyeli 4:31

Avbo mufumeli a nga bani nasi vbedzi gu ganela, gu di pwala lito khu ndzadzini, khilo: Mufumeli Nabhukodhonosori, mufumo wago wu dusidwe.

Matewu 24:39

Kha va nga tugula gilo, kala gu vboha talo nya mati wu ngata va mwaladza vatshavbo. Kharato nugo gu na girega litshigu a na tago Mwamana wa Muthu.

Matewu 24:50

Pfhumu yaye yi na wuya litshigu ni gikhati gi si si lindreligo.

Dhewuteronome 1:1

Khayo aya magana a ganedego Mosi ga tshangano watshavbo nya vathu va na Israyeli, vari tshatugo gwa Joridhani, giwulani, tigoni ga Arabha, thonono ni yiphwa ya Sufe mbeli ga Parani, Tofeli, Labani, Hazeroti ni Dhi-Zahabhe.

Josuwa 8:13

Khu guralo, vathu va di fola khu Wuronga nya lidhoropa, gumogo ni avo va nga bani va sihade khu Pfoladambo gwa ilo; Josuwa a di gimbila wutshigu wowo vbakari nya kova.

Josuwa 8:15

Josuwa ni vatshavbo va na Israyeli, va di gira gukhwatshi va gu padwa khavo, va thava va tutuma khu ndzila nya guye giwulani.

Josuwa 8:16

Khavbo avbo, vathu vatshavbo va nga bani vari dhoropani va di tshangana gasi gu va lundra; va di lundra Josuwa, uye a va ndrindrela hwindzo ni lidhoropa.

Josuwa 8:5

Eni gumogo ni vathu hi gu navo hi na hidzimela vbafuvbi ni lidhoropa; avbo va na gukhavo khu hi khinga, hi na gira kha nga idzo hi giridego guphelatunu hi na tutuma mbeli gwawe.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

Valamuli 20:37

Vale va nga bani va varamide, va di dzegela gu duga va bela dhoropani ga Gibheya khu giviti, va phalalega va songetela khu matshari vavbanyi vatshavbo va Gibheya.