Josuwa 6:5 - Bhibhiliya Nya Guage

⁵ Gikhati yi wombwago khego khu gulaphisa, mupwa gudzungurula nya pundru, vathu vatshavbo gu vbwetega va gira ligwaha nya likhongolo ngudzu, likhokhola la lidhoropa li na thega vbavbatshi. Vathu va na bela dhoropani khu guvbiredza, moyo ni moyo a na hongola wulanga wu na manegago mbeli gwaye.

Josuwa 6:5 Iomraidhean Croise

Ekisodha 19:19

Pundru wu di engedzelana gu dzuma wu dzungurula khu tshivba. Mosi a di ganela; Nungungulu a hakha khu ndrani nya libara.

Isaya 25:12

A na khungumula makhokhola nya mabhiyo yawe; a na ma khungumula ma thega mafuni ma khala kudzudzwane nya mafu.

Isaya 30:25

Khu litshigu lolo nya gusasedwe nya gukhongolo ga valala, gu na manega vbatshani nya sigomo satshavbo nya gulaphe mitsongo ni sitsongwana nya mati khulungago, avbo gu na gu thegago makhokhola.

Jeremiya 50:15

Wombani pundru nya nyimbi, mu randreleni khu maphuvbo yatshavbo mu dwane naye! Uye a ngu thesa matshari a dzi ningela, makhokhola yawe ma ngu thega, ni mabhiyo yaye ma ngu khungumuga! Kholu oyu khu tsayiso wa Pfhumu Nungungulu; dzi phodzeleni kha nga idzo va mi giredego.

Vahebheru 11:30

Khu gukhodwa, va di thesa mabhiyo nya lidhoropa la Jeriko, hwane nya gu na va li dzuwulugede gipimo nya livbandre na mavili matshigu.

Josuwa 6:16

Gikhati vaphasi nya mhamba va nga dzundrulugago livbandre na dzimbili dzinyondro na va gu womba mipundru, Josuwa a di embela vathu, khuye: “Huwatani, kholu Pfhumu Nungungulu a mi ningide lidhoropa!

Josuwa 6:20

Vathu va di huwata, vaphasi nya mhamba va di womba mipundru. Vathu na va pwide gudzuma nya mipundru, va di gira gupwala huwa nya yikhongolo, makhokhola ma di khungumuga, va na Israyeli va di bela dhoropani moyo ni moyo a di hongola wulanga wu nga bani wu romo mbeli gwaye, li di wandrwa kharati lidhoropa.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

Josuwa 6:6

Josuwa, mwamana wa Nuni, a di tombanisa vaphasi nya mhamba, a va embela, khuye: “Rwalani Ngasa nya Gidzumeledzwano, gumogo ni livbandre na vavili vaphasi nya mhamba ni livbandre na mivili mipundru, va thanga mbeli nya Ngasa.”

Valamuli 20:37

Vale va nga bani va varamide, va di dzegela gu duga va bela dhoropani ga Gibheya khu giviti, va phalalega va songetela khu matshari vavbanyi vatshavbo va Gibheya.

1 Samuweli 17:20

Dhavhidhe a di wuga ni mambagugya, a diga tshambi ni mumbe muhavisi, a di dzega mbuva a khuga a hongola, kha nga edzi a nga rumwago khidzo khu Jese. A di vboha khu gikhati gu nga bani masotshwa na ma dzi dongisela gu hongola nyimbitunu, ma hongola wulanga nya gudwanele avbo nyimbi.

1 Samuweli 17:52

Khavbo avbo, vama va na Israyeli ni va na Judha, va di khuga va kulungela, va lundra Vafilisitiya, kala Gati ni dzinyangwani ga Ekroni. Sirumbi sa Vafilisitiya, si di mbambamela khu ndzila, gukhugela Saharayimi, Gati, kala Ekroni.

1 Samuweli 4:5

Avbo Ngasa nya gidzumeledzwano ya Pfhumu Nungungulu yi nga vbohago vbalizumbotunu, vatshavbo va na Israyeli va di womba mikulungwane nya yikhongolo khu litsako, gu nga ndrendremelago ni mafu.