Josuwa 4:18 - Bhibhiliya Nya Guage

¹⁸ Avbo vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu va nga dugago khu tsongoni wa Joridhani, avbo migondro yawe yi nga gandrago mafuni nya gubange, mati nya tsongo wa Joridhani ma di bwelela ma khulunga gambe wulangani gwaye kha nga gale.

Josuwa 4:18 Iomraidhean Croise

1 Dzikoronika 12:15

Khavo ava va tshatugidego tsongo wa Joridhani, khu ngima nya guhegule, avbo tsongo wu nga bani wu gugumugide wu bwelo khavbo wu goga khu mudzibambe, va tutumiswa vatshavbo va nga bani va gu vbanya mikovani, khu Khugadambo, ambari khu Pfoladambo.

Isaya 8:8

mati ma na bela tigoni ga Judha, kha nga ndrambi, ma langaladza vathu kala dzithamoni. Guanama nya mambapi yaye gu na fenengedza guanama nya litigo lago, uwe Emanuweli.

Josuwa 3:13

Avbo vaphasi nya mhamba va na rwalago Ngasa nya Gidzumeledzwano gya Pfhumu Nungungulu, Pfhumu ya mafuni gwatshavbo, avbo va na kuhago khu migondro yawe mati nya tsongo wa Joridhani, ayo ma na tulega ma kabanega khu vbakari. Ni ayo matago khu vbatshani ma na ema ma wungedzelana.”

Josuwa 3:15

Gikhati va vbohidego tsongoni wa Joridhani avbo migondro ya vaphasi nya mhamba va nga bani va rwade Ngasa nya Gidzumeledzwano yi nga gandrago matini, bambe nya tsongo (kholu tsongo wa Joridhani wu di gu gugumuga wu goga funguni gwatshavbo, matshigu yatshavbo nya guvbwere)

Josuwa 4:11

Avbo va nga tshatuga vatshavbo, Ngasa nya Gidzumeledzwano gya Nungungulu gumogo ni vaphasi nya mhamba yi di thanga gambe mbeli ga vathu.

Josuwa 4:17

Uye a di va leletela, khuye: “Dugani khu tsongoni wa Joridhani!”

Josuwa 4:19

Vathu va tshatugide tsongoni wa Joridhani khu litshigu nya likhumi nya ngima nya guhegule va ya ghova Giligali, vbinganoni wa Khugadambo ga Jeriko.