Josuwa 4:12 - Bhibhiliya Nya Guage

¹² Vama nya lihundzu la Rubheni, la Gadhi ni gipandre nya lihundzu la na Manasi va tshatugide na va somide matshari mbeli ga va na Israyeli, mayelano khu gileletelo va ningidwego khu Mosi.

Josuwa 4:12 Iomraidhean Croise

Ekisodha 13:18

Aholu Nungungulu a di va ndreyisa khu ndzila nya gubele khu giwulani va thonona Yiphwa nya Gufuvile. Va na Israyeli va dugide khu Egipito na va dongide matshari.

Mitengo 1:24

Ga livelego la Gadhi, va di lovedwa mayelano khu mapango yawe, ni dzinyumba dza vababe vawe, muthu ni muthu a lovedwa khu lina laye, vatshavbo vama va enedzidego magumavili myaga guya mbeli, na va gu kodza gu soma matshari vaya nyimbitunu.

Mitengo 32:17

Gasi ethu, hi na soma matshari, hi vbiredzela guthanga mbeli ga va na Israyeli, kala hi va vbohisa wulanga wawe; aholu, sanana sathu si na tshala, si vbanya madhoropani nya makhokhola, va kodza guvbuluga ga vale va vbahidego tigoni momu.

Dhewuteronome 3:18

Ga gikhati gyogyo gya gimwegyo, nyi mi leletedeni, kheni: Pfhumu Nungungulu wanu, a mi ningide litigo leli, gasi mu li dzege; khu guralo, tsemakanyani, enu mwatshavbo dzindrena na mu pharide matshari mbeli ga vandriyanu, sanana sa Israyeli.

Dhewuteronome 33:21

A dzi hathede esi nya guhegule, si nga bani si sihidwe vbale, esi si lumbago muthangeli. Uye a di thanga mbeli ga vathu, a landrisa kharati gugola ga Pfhumu Nungungulu, gumogo ni gululama gwaye a giridego ga Israyeli!”

Josuwa 1:14

vagadzi vanu ni sanana sanu, ni sifuyo sanu si na tshala tigoni momu Mosi a mi ningidego khisikheno nya tsongo wa Joridhani; gasi enu vama nya dzindrena ni mitiyedwa mu na thanga mbeli gumogo ni vandriyanu gasi mu va phasedzela,

Josuwa 4:11

Avbo va nga tshatuga vatshavbo, Ngasa nya Gidzumeledzwano gya Nungungulu gumogo ni vaphasi nya mhamba yi di thanga gambe mbeli ga vathu.

Josuwa 4:13

Tengo wawe wu di gu hidzimela ga sayo nya magumana magumi mazana (40.000) vama va somidego guya dwana nyimbi; vatshavbo va di fode mbeli ga Pfhumu Nungungulu, va thonona panini ga Jeriko.