Josuwa 23:10 - Bhibhiliya Nya Guage

¹⁰ Muthu moyo basi wa na gyanu a na lundra likhumi mazana (1.000) vama, kholu Pfhumu Nungungulu wanu, khuye a dwanago khu enu, kha nga a mi tumbisidego.

Josuwa 23:10 Iomraidhean Croise

2 Samuweli 23:8

Aya khu malina nya dzindrena dzi nga bani dziri ni Dhavhidhe a gu aya: Josebi-Bhasebheti, mwamana wa Takemoni, khuye a nga bani ari muthangeli nya guphele nya dzindrena dzitharu; uye a diri uye Adhinu, Muezini a nga wugela livbandre na mararu mazana (800) vama, a va sasela khu gumogo.

1 Dzikoronika 5:20

Avo va di phasedzedwa gu dwana navo khu Pfhumu Nungungulu a nga ningelago va na Hagari va thega mandzani gwawe gumogo ni vaphasedzeli vawe; kholu vbakari nya litunga, avo va di rana Pfhumu Nungungulu, uye a di va yingisa, kholu avo va di vegide gitumbo avbo gwaye.

1 Dzikoronika 5:22

Kholu nya vangi va di fude khu gu songwa khu matshari kholu Pfhumu Nungungulu a di dzegide nyimbi yi khala yaye; va vbaha malangani yawe kala gikhati va nga vbagedwa va yiswa wugumbini.

Dzindzimo 35:1

Pfhumu Nungungulu, thethisa avo va nyi singedzago, u dwana ni avo va nyi dwanisago.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Ekisodha 14:14

Pfhumu Nungungulu a na mi dwanela, eno mu na degula henu kape.

Isaya 30:17

Likhumi mazana (1.000) vama nya lihundzu lanu va na tutuma khu gu thava muthu moyo basi; enu mwatshavbo mu na tutumani mbeli mu lundrwa livbandre vathu va vbakari ya valala vanu, kala mu ya manegani kha nga ningwati wu guromo vbatshani nya gigomo, ni ngavbya yi guromo vbagigomwanatunu.

Levhi 26:7

Mu na lundra valala vanu, mu va songa khu matshari mbeli gwanu.

Levhi 26:8

Livbandre vama nya va na gyanu, va na lundra lizana (100) ya valala, lizana nya va na gyanu, va na lundra likhumi magumi mazana (10.000); valala vanu va na songetedwa mbeli gwanu khu matshari.

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Dhewuteronome 20:3

Yingisa uwe Israyeli, muhuno mu nguta dwana ni valala vanu; myonyo yanu yi nga vbeli tshivba; mu nga khali hwanga gambe mu nga ndrendremeli ambari guthusedzedwa khavo,

Dhewuteronome 20:4

kholu Pfhumu Nungungulu wanu, khuye a mi dwanelago ga valala vanu, gasi a mi vbulugisa.

Dhewuteronome 28:7

Pfhumu Nungungulu a na gu ninga tshivba nya gupale valala vago va na gu wugelago; va nata khu ndzila mweyo gasi guta dwana nago, aholu va na phalalega va thava khu livbandre na dzimbili dzindzila.

Dhewuteronome 3:22

Mu nga va thavi, kholu Pfhumu Nungungulu wanu, khuye a na mi dwanelago.

Dhewuteronome 32:20

A ganela, khuye: Nyi na va sihela khovbe yangu, nyi na wona khu mevbini mahegiso yawe, kholu avo melana nya guyeyise, a gu sanana nyamba tumbega.

Dhewuteronome 32:30

Ga gu kodzega kharini muthu moyo basi a lundra likhumi mazana (1.000), ni vathu vavili va lundra likhumi magumi mazana (10.000) vathu? Kholu Muvhikeli wawe, ava digidego, Pfhumu Nungungulu a va rengiside ga valala.

Josuwa 10:42

Josuwa a di khozisa vafumeli vatshavbo vava, a wandra mayigo yawe khu gumogo basi; kholu Pfhumu Nungungulu wa Israyeli a diri ni Israyeli.

Josuwa 23:11

Khu guralo, dzi garadzeni khu gu vegedza hefemulo wanu gasi mu fela gu gola Pfhumu Nungungulu wanu.

Josuwa 23:3

enu mu wonide satshavbo esi Pfhumu Nungungulu wanu, a giridego ga mayigo yaya yatshavbo khu mahungu yanu, kholu Pfhumu Nungungulu wanu, khuye a mi dwanedego.

Valamuli 15:15

A di mana gihaya nya buru nya gu bani yi ngari gufa, a gi rola a sasela khigyo likhumi mazana (1.000) vama.

Valamuli 3:31

Hwane ga Ewudhi, gu di landrela Sangari, mwamana wa Anati, a nga songago livbandre na limwedo mazana (600) vama nya Vafilisitiya khu ndrombo nya dzimombe. Uye nuye a di tshudzisa va na Israyeli.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”