Josuwa 2:12 - Bhibhiliya Nya Guage

¹² Gasi olu, nyi sambanyeleni khu lina la Pfhumu Nungungulu, kha nga olu nyi giridego wuhindzi avbo gwanu, enu nenu mu nyi girela kharato, mu vbanyisa ndranga ya babe wangu; nyi ningeni giwonegiso nya lisine

Josuwa 2:12 Iomraidhean Croise

Genesi 21:23

Olu nyi sambanyele avba khu Nungungulu gukhuwe gima khu na nga nyi pfhadza eni, sanana sangu, ambari ni valongo vangu, ni gukhuwe u na gola litigo leli u dzudego umo kha nga muwuyi, kha nga idzo eni nyi gu hakhidego nyi gu gola khidzo.”

Genesi 24:3

Nya gu vbweta gukheni u sambanye khu lina la Pfhumu Nungungulu wa ndzadzini ni Nungungulu wa mafuni, khuwe, gima khu na nga vbwetela gyanana gyangu, nyamayi vbakari ga vanyamahegyane nya lifumbu nya Vakhanani nyi vbanyago vbakari gwawe.

Genesi 24:9

Khavbo avbo, githumi gi di vega mandza yaye vbavbatshi nya nyonga ya mune waye, gi sambanya esi uye a nga gi rumago.

Genesi 40:14

Gikhati u na bani u romo wulangani momo nya wadi, nyi dundruge neni u nyi girela wuhindzi, u embela Faro khu mahungu yangu, u nyi phasa nyi duga khu pasoni momu.

2 Dzikoronika 36:13

Gu diga isoso, a di wugela gambe mufumeli Nabhukodhonosori, uye a nga bani a sambanyide gwaye khu lina la Nungungulu gu mu thumela, a di bangisa monyo waye, kha nga vbindrugedza mavbanyelo a wuya ga Pfhumu Nungungulu wa Israyeli.

Esiteri 8:6

Ina nyi nga tiya kharini, na nyi wona libango li hadzago gu dugelela va na gyathu, na? Nyi na tiya kharini gu wona valongo vangu na va gu mbembiswa, gani?”

Ekisodha 12:13

Novba wa mudzinyumbani mu na bani muri umo, wu na khala giwonegiso nya gu mi vhikele: Nya gu wona novba, nyi na vbindra mbeli, enu mu vbuluga ga mhango nya gusonge, gikhati Eni nyi na mbembisago litigo la Egipito.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Marko 14:44

Oyu a nga mu ningelago, a di va ningide giyeyedzo, khuye: “Wule nyi na mu bhejarigo, khuye. Mu moleni mu nga mu digi, indrani naye nyamba mu nyesedza.”

Varoma 1:31

vathu nyambana gupima esi nya sadi ni esi nya guvivbe, vathu nyamba tumbega, nyambana lihaladzo, nyamba kodza gu pwela wuhindzi vathu vakwawe.

1 Thimoti 5:8

Oyu a si sayisigo valongo vaye, ngudzungudzu va ndrangani gwaye, bombide gukhodwa guvbindra wule nyamba khodwa.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Josuwa 2:13

nya gukhenu mu na vbulugisa babe wangu, mayi wangu, vandriyangu nya vanyamayi ni satshavbo si va lumbago, ni gukhenu mu na va vbulugisa va si songwi.”

Josuwa 2:18

Gikhati hi na guta belago tigoni gwanu, tshanganisa ndrangani gwago babe wago, mayi wago, vandriyago ni vatshavbo valongo vababe wago; u na hunga ngodzi yeyi nya gufuvile vbagihogotunu vbavba hi dugidego khavbo.

Josuwa 2:19

Gani khu mani uye a na tulago lidimba a duga vbavbandze, uye novba waye wu na thegela hungoni gwaye; ethu hi na bani hiri mwalo nandru; aholu novba wa wule a na bani nari nago nyumbani momu wu na thegele mihungoni gwathu, a gu tshuka a songwa khu muthu.

Josuwa 6:22

Khavbo avbo, Josuwa a di embela vama va vavili va nga bani va dzude va ta holelela litigo, khuye: “Indrani nyumbani ga Rahabhi, nya gibhayi, mu ya mu dusa ni satshavbo si mu lumbago, kha nga edzi mu mu tumbisidego khidzo.”

Josuwa 9:15

Josuwa a di pwanana navo gasi gu manege gurula, a gira gidzumeledzwano navo, a va thembisa gu va diga va vbanya; manganagana nya tshangano ma di gi tiyisa khu gu gira gisambanyo.

Valamuli 1:24

Avbo, vasoli va nga wona mwama moyo a nga bani na gu duga khu dhoropani, va di mu embela, khavo: “Hi yeyedze mwanya nya gubele dhoropani, ethu kha hi na gu girela guvivba.”

1 Samuweli 30:15

Dhavhidhe a di mu wudzisa, khuye: “U ngu kodza gu nyi dzega u nyi vbelegedza ga tsawa yoyo nya sighevenga, gani?” Lidzaha li di mu hakha, khilo: “Sambanya mbeli ga Nungungulu, gukhuwe khu na nyi songa ambari guya nyi ningela mandzani ga mune wangu, nyi na gu vbelegedza kala iyo gwawe.”