Josuwa 17:1 - Bhibhiliya Nya Guage

¹ Sanana sa Manasi, matiwula ya Josefa; va di hakha navo thomba yawe. Makiri, mwama nya ndrena, matiwula ya Manasi, babe wa Gileyadhi, a di hakha litigo la Gileyadhi ni Bhasani.

Josuwa 17:1 Iomraidhean Croise

Genesi 41:51

Gyanana nya matiwula Josefa a di gi riya lina khuye khu Manasi, kholu a di khuye: “Nungungulu a nyi giride nyi divala sitshaniso sangu satshavbo ni ndranga yatshavbo ya babe wangu.”

Genesi 41:52

Oyu nya wuvili, a di mu riya lina khuye khu Efrayimi, kholu a di khuye: “Nungungulu giride nyi ninga mihandro tigoni nya gutshaniseke gwangu.”

Genesi 46:20

Asenati, gyanana nya nyamayi gya Potifera, muphasi nya mhamba wa Oni, velegide ni Josefa Manasi ni Efrayimi tigoni ga Egipito.

Genesi 48:17

Josefa a di wona gukhuye babe waye a di handzega gyandza gya nyamudye hungoni ga Efrayimi, kha nga si gola; a di khusedza libogo la babe waye, gasi gu li dusa hungoni ga Efrayimi, a li vega hungoni ga Manasi,

Genesi 48:18

a embela babe waye, khuye: “Ahihi baba wangu, khandridzo! Kholu koma khu oyu. Handzega gyandza gyago gya nyamudye hungoni gwaye.”

Genesi 50:23

Josefe wonide vatugulu vaye, sanana sa Efrayimi kala gitugulwana nya wuraru; gumogo gambe ni sanana sa Makiri, mwamana wa Manasi, avo va nga velegedwa dzikhungumudzini gwaye.

2 Samuweli 2:9

a mu wumbela gu khala mufumeli wa Gileyadhi, ni Asuri, ni Jezereyeli, ni Efrayimi, ni Bhejami ni Israyeli gwatshavbo.

1 Dzikoronika 2:23

Gesuri ni Arani va di phanga madhoropa ya Jayiri, gumogo ni Kenati ni mitalala yaye, mwendro gukhethu livbandre na limwedo magumi malanga. Vatshavbo vava va diri sanana sa Makiri, babe wa Gileyadhi.

Ezekiyeli 47:13

Mune Pfhumu Nungungulu, a ngu ganela kharati, khuye: “Eyi khiyo mivbingano nya litigo la Israyeli mu na kabanelanago kha nga thomba, gukhedza khu likhumi na mavili mahundzu ya Israyeli. Josefe a na mana sipandre sivili.

Ezekiyeli 48:4

Manasi, giavelo gyaye, gi na khugela vbinganoni ni va na Nafitali, gukhugela phuvbo ga Khugadambo kala Muhwadambo.

Mitengo 26:29

Sanana nya lihundzu la Manasi khesi: Makiri mupandri nya linyangwa la va na Makiri; Makiri a di velega Gileyadhi a gu nyapandre nya linyangwa la va na Gileyadhi.

Mitengo 27:1

Khavbo avbo, va di hidzimela vanyamahegyane va Selofeyadi, mwamana wa Heferi, mwamana wa Gileyadhi, mwamana wa Makiri, mwamana wa Manasi, vbakari nya linyangwa la Manasi, mwamana wa Josefe. Malina ya vanyamahegyane vawe khaya: Mahalati, Nowa, Hogila, Milika ni Tiriza.

Mitengo 32:33

Mosi a di ningela ga va na Gadhi ni va na Rubheni ni ga gipandre nya lihundzu la na Manasi, mwamana wa Josefe, mufumo wa Seyoni, mufumeli wa Vaamori, ni mufumo wa Oge, mufumeli wa Bhasani, litigo ni madhoropa yakone ni mahange yatshavbo ya madhoropani nya litigo latshavbo.

Dhewuteronome 21:17

A na ninge githawo ga gyanana nya matiwula gya nyamayi wule a si mu goligo, a mu ninga nyondro mbili nya thomba yaye yatshavbo. Kholu oyu matiwula nya tshivba yaye; gi na ni fanelo nya matiwula.”

Josuwa 17:2

Simbe sanana sa Manasi si di hakha niso thomba yawe, gukhedza khu dzindranga dzawe a gu esi: Sanana sa Abhiyezeri, sa Heleki, sa Asiriyeli, sa Sikemi, sa Heferi ni sa Semidha. Khiso esi sanana sa Manasi, mwamana wa Josefa, gukhedza khu dzindranga dzawe.

Josuwa 22:7

Mosi a di ningide ga gipandre nya lihundzu la Manasi, gitigwana gya Bhasani; Khu guralo, Josuwa a di ninga gipandre nya lihundzu, gitigwana vbakari ga vandriyawe va na Israyeli, khu tshatugo ga Joridhani, khu phuvbo ga Muhwadambo. Gikhati Josuwa a nga va rumelago gu hongola mitshatshani gwawe, a di va kategisa.

Valamuli 5:14

Va dugede tigoni ga Efrayimi tumbunugo wawe wu dugelago gipandrengulo gya Amaleki, khu hwane gwago, a di gu landra Bhejami vbakari nya vathu vago; khu Makiri, gu di duga vathangeli, khu Zebhuloni va duga avo va pharago ndronga nya wufumu.