Josuwa 14:4 - Bhibhiliya Nya Guage

⁴ Sanana sa Josefe, si di gu wumba mahundzu mavili: Va na Manasi ni va na Efrayimi. Va na Levhi kha va ningwa giavelo tigoni momo, vbavbandze nya madhoropa nya gukhale umo ni mayigwana nya guvege umo mitshambi ni gu havisa sifuyo sawe.

Josuwa 14:4 Iomraidhean Croise

Genesi 41:51

Gyanana nya matiwula Josefa a di gi riya lina khuye khu Manasi, kholu a di khuye: “Nungungulu a nyi giride nyi divala sitshaniso sangu satshavbo ni ndranga yatshavbo ya babe wangu.”

Genesi 41:52

Oyu nya wuvili, a di mu riya lina khuye khu Efrayimi, kholu a di khuye: “Nungungulu giride nyi ninga mihandro tigoni nya gutshaniseke gwangu.”

Genesi 46:20

Asenati, gyanana nya nyamayi gya Potifera, muphasi nya mhamba wa Oni, velegide ni Josefa Manasi ni Efrayimi tigoni ga Egipito.

Genesi 48:1

Hwane nya gu bani na si dugelede satshavbo sesi, va dita embela Josefa, khavo: “Babe wago a ngu dwala.” Josefa a di khuga a dzega sanana saye sa sivili, Manasi ni Efrayimi.

Genesi 48:5

Olu, sanana sa sivili u velegidego tigoni ga Egipito, eni nyi si guti nyita khala vbafuvbi gwago, si na khala sangu. Efrayimi ni Manasi, va na khala sanana sangu, gukhwatshi khu Rubheni ni Simiyoni.

Genesi 48:6

Aholu sanana u na velegago hwane ga esi, si na khala sago; va na hakha thomba yawe linani ga vandriyawe.

2 Dzikoronika 30:1

Khu hwane nya ugo, Ezekhiya a di rumela myango tigoni gwatshavbo ga Israyeli ni ga Judha, a lovela gambe malangalila va na Efrayimi ni va na Manasi, gasi vate Jerusalema, Nyumbani ga Pfhumu Nungungulu, vata gira buzo nya Phasika ya Pfhumu Nungungulu wa Israyeli.

Mitengo 26:28

Sanana sa Josefe, gukhedza khu dzinyumba dzawe khesi: Manasi ni Efrayimi.

Josuwa 16:4

Khiyo thomba si hakhidego sanana sa Josefe: A gu uye Manasi ni Efrayimi.