Josuwa 14:1 - Bhibhiliya Nya Guage

¹ Edzi khu dzithomba dzi nga kavedwago va na Israyeli tigoni ga Khanani, va kabanisedwego khu muphasi nya mhamba Eliyazari, ni Josuwa, mwamana wa Nuni ni vathangeli nya mapango nya mahundzu ya na Israyeli.

Josuwa 14:1 Iomraidhean Croise

Ezira 7:5

mwamana wa Abhisuwa mwamana wa Fineya, mwamana wa Eliyazari, mwamana wa Aroni, muphasi nya khongolo nya mhamba.

Ezekiyeli 45:1

“Avbo enu mu na kabanelanago litigo khu sipandre, gasi gu ningwa mahundzu ya Israyeli, mu na vega phuvbo gipandre gimwegyo kha nga gipandre gi phasedwego Pfhumu Nungungulu, na giri ni magumavili na livbandre magumi mazana (25.000) mikono; gulapha nya gipandre gegi gu na bani guri ni magumavili na livbandre magumi mazana (25. 000) mikono, guanama, likhumi magumi mazana (10. 000); gipandre gegi gi na bani gi kategide.

Mitengo 34:13

Mosi a di leletela va na Israyeli, khuye: “Eli khu litigo mu yelago gu li kabanisela khu gu lola dzisolo, Pfhumu Nungungulu a rumedego gu ningela ga livbandre na mana mahundzu ni gipandre.

Mitengo 34:16

Pfhumu Nungungulu a di ganela gambe ga Mosi, khuye:

Mithumo 13:19

Khu hwane nya gikhati a di fuvisa livbandre na mavili mahundzu ya tigoni ga Khanani, a gu li ningela ga vababe vathu,

Dhewuteronome 12:10

Aholu mu na tshatuga tsongo wa Joridhani, muya vbaha tigoni mule Pfhumu Nungungulu wanu a mi ningidego gu khala thomba yanu; a na mi vhikela ga valala vanu vatshavbo va mi randredego, gambe mu na vbanya na mu tiyide.

Josuwa 13:6

vatshavbo va nga bani va vbahide gigomoni, gukhugela Libhanoni kala matini ga Miserifoti-Mayimi, vatshavbo va na Sidhoni. Eni nyi na va lundra mbeli ga sanana sa Israyeli. U na va kabanisela li khala thomba yawe kha nga idzo nyi gu leletedego khidzo.

Josuwa 19:51

Edzi khidzo dzithomba dzi nga kavedzedwago khu muphasi nya mhamba Eliyazari, ni Josuwa, mwamana wa Nuni, ni vathangeli nya dzindranga nya mahundzu ya Israyeli, va ya khu gulola khu solo na vari dhoropani ga Silo, na vari mbeli ga Pfhumu Nungungulu, nyangwani nya Tshatsha nya Tshangano.

Josuwa 21:1

Khavbo avbo, vathangeli nya dzindranga dza ya na Levhi, va di vboha ga muphasi nya mhamba Eliyazari, ni ga Josuwa, mwamana wa Nuni, ni ga vathangeli nya dzindranga nya mahundzu ya Israyeli;